پاکستان کرکٹ ٹیم کے سابق کپتان شاہد آفریدی کی ٹرولنگ پر پی ٹی آئی کے سینیئر رہنما شیر افضل مروت کو ان کی حمایت میں بیان دینا مہنگا پڑ گیا۔
پی ٹی آئی کے سوشل میڈیا ٹرولز شاہد آفریدی کے ساتھ اب شیر افضل مروت کو بھی برا بھلا کہہ رہے ہیں۔
مزید پڑھیں
پاکستان تحریک انصاف کے رہنما شیر افضل مروت نے اپنے ایک بیان میں کہا کہ پی ٹی آئی کی سوشل میڈیا ٹیموں کو شاہد آفریدی سے متعلق اچھی باتیں کرنی چاہیئیں۔
انہوں نے کہاکہ میں شاہد آفریدی کے خلاف سوشل میڈیا مہم جھوٹی اور فضول ہونے کی تصدیق کرتا ہوں۔
دوسری جانب پاکستان تحریک انصاف کے رہنما علی محمد خان نے بھی شاہد آفریدی کے خلاف مہم پر اپنی سوشل میڈیا ٹیم سے ناراضی کا اظہار کیا ہے۔
انہوں نے کہاکہ عمران خان اور شاہد آفریدی دونوں قوم کے ہیرو ہیں۔ شاہد آفریدی کی اپنی کوئی بھی رائے ہو سکتی ہے۔
اِدھر شیر افضل مروت کی جانب سے شاہد آفریدی کی حمایت میں بیان پر پی ٹی آئی کے سوشل میڈیا ہیڈ اظہر مشوانی نے شدید ردعمل کا اظہار کیا ہے۔
انہوں نے شیر افضل مروت کو مخاطب کرتے ہوئے کہاکہ آپ کا جملہ قابل مذمت ہے، اسے فوری ڈیلیٹ کریں۔
اظہر مشوانی نے شیر افضل مروت کو متبنہ کیاکہ پارٹی کی اندرونی باتوں کا جواب نہ دیا کریں۔
پی ٹی آئی کے سوشل میڈیا ہیڈ کی جانب سے جواب دینے کے بعد سوشل میڈیا ٹرولز نے شیر افضل مروت کو نشانے پر رکھا ہوا ہے۔
