پاکستانی کرکٹ ٹیم کے سابق کپتان شعیب ملک نے اپنی اہلیہ اور اداکارہ ثنا جاوید کو ان کی سالگرہ کے موقع پر بارکباد دی ہے اور ان کے ساتھ اپنی 3 تصاویر سوشل میڈیا پر شیئر کی ہیں، تاہم پاکستانی اور بھارتی صارفین کی جانب سے ان پر شدید تنقید کی جا رہی ہے۔
مزید پڑھیں
شعیب ملک نے ثنا کے ساتھ تصویر شیئر کرتے ہوئے کیپشن لکھا، ’ہیپی برتھ ڈے ثنا شعیب ملک‘ اور محبت کا اظہار کرنے کے لیے 3 مختلف ایموجیز بھی بنائے۔
ثنا جاوید نے شعیب ملک کی پوسٹ پر پیار بھرا ردعمل دیا اور کمنٹ سیکشن میں لکھا، ’میرا دل‘۔
ان تصویروں میں شعیب ملک نے سیاہ شرٹ جبکہ ثنا جاوید نے آسمانی و سفید پرنٹڈ سلیولیس شرٹ پہنی ہوئی ہے۔ ان دونوں کے سامنے میز پر ایک گلدستہ رکھا بھی دیکھا جاسکتا ہے۔
View this post on Instagram
اپنی اہلیہ کی سالگرہ کے موقع پر شعیب ملک کی جانب سے کی گئی اس پیار بھری پوسٹ کو پاکستان اور بھارتی میں سوشل میڈیا صارفین شدید تنقید کا نشانہ بنا رہے ہیں۔
صارف ویرات دی کنگ آف کرکٹ نے اپنے کمنٹ میں لکھا، ’بھائی کو دونوں ملکوں سے نفرت مل رہی ہے۔‘
ایک اور صارف نے لکھا، ’سرحدیں ہمیں جدا کرتی ہیں مگر ہم شعیب کو گالی دینے کے لیے متحد ہیں۔‘
صارف زنیرہ اکبر نے لکھا، ’ثانیہ مرزا اس (ثنا جاوید) سے بہت بہتر تھی۔‘
واضح رہے کہ شعیب ملک نے اپنی پہلی اہلیہ اور معروف بھارتی ٹینس اسٹار ثانیہ مرزا کو طلاق دینے کے بعد رواں برس 20 جنوری کو ثنا جاوید سے اپنی شادی کا اعلان کیا تھا۔ ان کی شادی کو 2 ماہ گزر چکے ہیں مگر اس کے باوجود سوشل میڈیا صارفین ان دونوں کو مسلسل شدید تنقید کا نشانہ بنا رہے ہیں۔
