اقرار الحسن حالیہ دنوں میں وسیم بادامی کے ساتھ نجی ٹی وی اے آر وائی پر رمضان ٹرانسمیشن میں مصروف ہیں جہاں سحر و افطار میں مختلف سیگمنٹس ہوتے ہیں جس میں سے ایک سیگمنٹ کھانے پکانے کا بھی ہے جہاں شیف کھانے کی نئی ترکیبں بتاتی نظر آتی ہیں۔
رمضان ٹرانسمیشن میں کھانا پکانے کے دوران شیف کہتی ہیں کہ اگر آپ گوبھی منچورین کھائیں گے تو آپ کو کھانے سے پیار ہو جائے گا، اس پر وسیم بادامی ساتھ کھڑے ہوئے اقرارالحسن کوطنزاً کہتے ہیں کہ آپ کو تو پیار ہو ہی جائے گا آپ جائیں یہاں میں دیکھ لوں گا۔
آپ کو تو ہو ہی جائے گا 🤣 @iqrarulhassan اقرار بھائی وسیم بادامی کے معصومانہ باؤنسر کا سامنا کرتے ہوئے 😀 @WaseemBadami pic.twitter.com/0BYqwxRJHj
— Junaid Raza Zaidi (@junaidraza01) March 25, 2024
خیال رہے کہ اقرار الحسن نے پہلی شادی 2006 میں نیوز اینکر قرۃ العین سے کی تھی، جن سے انہیں ایک بیٹا بھی ہے۔ اقرار الحسن نے 2012 میں فرح اقرار سے دوسری شادی کی تھی، تاہم اس شادی کی تصدیق 5 سال بعد کی تھی۔
ان کی تیسری شادی نیوز کاسٹر عروسہ خان سے ہوئی ہے۔ اقرار الحسن کی تیسری شادی کی تصدیق ان کی تیسری اہلیہ عروسہ خان کے انسٹا اکاؤنٹ پر ہونے والے سوالات و جوابات کے سیشن کے دوران سامنے آئی تھی۔
صحافی و اینکر اقرار الحسن نے حال ہی میں اپنی پہلی اہلیہ قرۃ العین کیساتھ ایک پوڈ کاسٹ میں شرکت کی اور کھل کر اپنی پروفیشنل و نجی زندگی کے حوالے سے گفتگو کی جس میں ان کا کہنا تھا کہ اگر وہ ماں باپ اور بیٹے پہلاج کے بعد کسی سے محبت کرتے ہیں تو وہ ان کی پہلی اہلیہ قرۃ العین ہیں۔
یہ بھی کہا کہ آج میں یہ بات اس لیے نہیں کر رہا کہ یہ میرے سامنے بیٹھی ہیں بلکہ مجھے ان سے محبت سب سے زیادہ اس لیے بھی ہے کیو نکہ یہ میری پہلی محبت ہیں۔
