چیٹ جی پی ٹی نے بہت ہی کم عرصے میں ٹیکنالوجی کی دنیا میں انقلاب برپا کر دیا ہے۔ یہ مصنوعی ذہانت کے ذریعے حقیقت کی دنیا میں رنگ بھرتی نظرآتی ہے ۔اورایک ایسا ٹول ہے جو ایسا مواد لکھ سکتا ہے جو انسانی تحریر سے ملتا جلتا ہو۔
سوشل میڈیا پرپاکستانی گلوکار شہزاد رائے نے ایک ٹوئیٹ کی کہ چیٹ جی پی ٹی نے سارے امتحانات پاس کر لیے ہیں اب اس کا رشتہ ڈھونڈو، اس سے ایک دلچسپ بحث کا آغاز ہو گیا۔
Chatgpt has passed all these following exams : the SAT, ACT, GRE, GMAT, and LSAT. Ab is ka ucha sa rishta dhoondo. Koi nazar mein ho to batana?
— Shehzad Roy (@ShehzadRoy) March 16, 2023
شہزاد رائے کی ٹویٹ پر صارفین نے دلچسپ تبصرے کیے، کسی نے کہا کہ ابھی ان کی شادی کی عمر نہیں ہوئی کیونکہ گول روٹی نہیں بنانی آتی تو کسی نے معاشرے کی فرسودہ روایات کو طنز کا نشانہ بنایا ۔ اسی حوالے سے ایک صارف نے لکھا کہ نہ اس کا رنگ گورا ہے نہ قد مناسب، رشتہ ڈھونڈنے میں مسائل ہوں گے۔
نہ اس کا رنگ گورا ہے، نہ قد مناسب، نہ روٹی گول، رشتہ ڈھونڈنے میں مسائل آئیں گے۔
— ammar 📚 (@AliAmmarYasir) March 16, 2023
شادی کے لیے نوکری اور اپنے پیروں پر کھڑے ہونے کی شرط کو بنیاد بناتے ہوئے ایک صارف نے دلچسپ تبصرہ کرتے ہوئے سوال پوچھا کہ یہ چیٹ جی پی ٹی نوکری کرتا ہے یا اس کا اپنا بزنس ہے ؟
Nokri Kia karta hai? Ya apna business hai?
— Tanzeela-The Bloody Civilian- (@Tanzeela08) March 16, 2023
گفتگو مزید آگے بڑھی تو صارفین کی رگ ظرافت بھی پھڑک اٹھی اور چیٹ جی پی ٹی کے بارے میں دلچسپ انکشافات ہوئے ، اسی حوالے سے رائو عبد الحسن نامی صارف نے لکھا کہ چیٹ جی پی ٹی کی تو پہلےہی سرچ انجن ’بنگ‘ سے منگنی ہو چکی ہے۔
Already engaged with Bing.
— Rao Abuulhassan (@abuulhassanrao) March 16, 2023
واضح رہے کہ مصنوعی ذہانت پر تحقیق کرنے والی کمپنی ’اوپن اے آئی‘ کی جانب سے نومبر کے اواخر میں چیٹ جی پی ٹی کے نام سے ایک چیٹ باٹ لانچ کیا گیا تھا جسے ایک ہفتے کے اندر 10 لاکھ سے زیادہ صارفین نے استعمال کرنا شروع کر دیا تھا۔چیٹ جی پی ٹی سے اگر آپ کوئی بھی سوال پوچھیں تو یہ آپ کو اس حوالے سے ایک مفصل اور بہتر جواب دینے کی صلاحیت رکھتا ہے۔ اس کے علاوہ چیٹ جی پی ٹی نے دنیا بھر میں میڈیکل اور پروفیشنل امتحانات بھی کامیابی سے پاس کرلیے ہیں