سعودی ولی عہد شہزادہ محمد بن سلمان کی زیر صدارت جدہ میں سعودی کابینہ کا اجلاس منعقد ہوا، جس میں مختلف ممالک سے معاملات پر بریفنگ کے بعد دیگر مفاہمتی یاد داشتوں کی منظوری دی گئی۔ پاکستان کے ساتھ آئی ٹی کے شعبے میں تعاون بڑھانے کی بھی منظوری دی گئی۔
مزید پڑھیں
کابینہ اجلاس میں سعودی عرب کی منسٹری آف کمیونیکیشن اینڈ انفارمیشن ٹیکنالوجی اور اسلامی جمہوریہ پاکستان کی وزارت انفارمیشن اینڈ کمیونیکیشن ٹیکنالوجی کے درمیان کمیونیکیشن اور انفارمیشن ٹیکنالوجی کے میدان میں تعاون کے لیے ایک مفاہمت کی یادداشت کی منظوری دے دی گئی۔
اجلاس میں سعودی وزارت مواصلات اور انفارمیشن ٹیکنالوجی کا پاکستان کی وزارت انفارمیشن اینڈ کمیونیکیشن ٹیکنالوجی کے ساتھ تعاون کے فروغ کے لیے مفاہمتی یادداشتوں کی منظوری دینا دونوں ملکوں کے لیے خوش آئندہ عمل قرار دیا گیا۔
واضح رہے سعودی ولی عہد شہزادہ محمد بن سلمان کی زیر صدارت ہونے والے اجلاس میں مختلف ممالک سے مفاہمتی یادداشتوں کی منظوری کے علاوہ غزہ کی موجودہ صورتحال بھی زیر بحث رہی اور آئندہ کے لائحہ عمل پر بھی گفتگو کی گئی۔