لاہور کی انسداد دہشتگردی عدالت نے پی ٹی آئی کی رہنماؤں صنم جاوید اور عالیہ حمزہ کی 9 مئی کے مقدمے میں ضمانت میں ضمانت منظور کرلی۔
عدالت نے صنم جاوید اور عالیہ حمزہ کو 2،2 لاکھ روپے کے ضمانتی مچلکے جمع کرانے کا حکم دیا ہے۔
عدالت میں سماعت کے موقع پر صنم جاوید کی جانب سے شکیل پاشا ایڈووکیٹ پیش ہوئے جبکہ عالیہ حمزہ کی جانب سے نصیر الدین نیئر ایڈووکیٹ نے پیروی کی۔
مزید پڑھیں
انسداد دہشتگردی عدالت کے ڈیوٹی جج ارشد جاوید نے سماعت کی۔
صنم جاوید اور عالیہ حمزہ پر تھانہ شادمان کو نذر آتش کرنے کا الزام ہے۔
پرسیکیوٹر کی جانب سے ضمانتوں کی مخالفت
اس موقع پر پراسیکیوٹر نے کہاکہ یہ خواتین 9 مئی کو ریاست مخالف سازش کا حصہ ہیں۔ ملزمان نے پی ٹی آئی قیادت کے ساتھ مل کر جلاؤ گھیراؤ کرایا۔
دوسری جانب ملزمان کے وکیل نے کہاکہ خواتین کو ہر بار ضمانت کے بعد دوسرے کیس میں گرفتار کر لیا جاتا ہے۔ جس مقدمہ میں اب گرفتار کیا اس میں کوئی کردار نہیں ہے۔
وکیل نے کہاکہ عدالتی فیصلوں کے مطابق بھی خواتین کو ضمانت جلد ملنی چاہیے۔
بعدازاں عدالت نے دلائل سننے کے بعد صنم جاوید اور عالیہ حمزہ کی 2،2 لاکھ کے مچلکوں کے عوض ضمانت منظور کر لی۔
واضح رہے کہ صنم جاوید اور عالیہ حمزہ کو 9 مئی کے واقعات میں ملوث ہونے کے الزام پر گرفتار کیا گیا تھا۔
