’عنایہ دیکھو ببر شیر آیا ہے‘،زیرعلاج بچی کی والدہ نواز شریف کو اسپتال میں دیکھ کر جذباتی ہوگئیں

پاکستان مسلم لیگ ن کے قائد میاں محمد نواز شریف لاہور میں 3 سالہ عنایہ فاروق کی عیادت کے لیے اسپتال پہنچ گئے۔

کمسن عنایہ فاروق کی پیدائش سے ہی اس کے دل میں سوراخ تھا اور اس کے والدین علاج کی سکت نہیں رکھتے تھے۔ محمد نواز شریف نے ننھی عنایہ فاروق کا ذاتی خرچ پر علاج کرایا ہے۔

عنایہ فاروق کے دل کی کامیاب سرجری کے بعد نواز شریف خود اسپتال پہنچ گئے اور آپریشن کی کامیابی پر مبارکباد دی۔

ننھی عنایہ سے نواز شریف کی گفتگو، والدہ شدت جذبات سے مغلوب

قائد ن لیگ محمد نواز شریف بچی سے مخاطب ہوئے اور پوچھا کہ ’اپ کیسی ہوں، ٹھیک ہو نا اب ماشاءاللہ‘۔

اس پر بچی کی والدہ خوشی اور شدت جذبات سے مغلوب ہوگئیں۔ انہوں نے بھرائی ہوئی آواز میں اپنے لخت جگر سے کہا کہ ’عنایہ دیکھو، ببر شیر آپ سے ملنے آئے ہیں‘۔

نواز شریف نے ننھی عنایہ کا گال تھپتھپا کر روبہ صحت بچی سے اپنی شفقت کا اظہار کیا۔