جماعت اسلامی پاکستان کے زیراہتمام شہر قائد کراچی میں فلسطین کے مظلوم عوام سے منفرد طریقے سے اظہار یکجہتی کیا گیا ہے۔
جماعت اسلامی کے زیراہتمام ’یکجہتی غزہ نائٹ ‘میں ہزاروں کی تعداد میں لوگ شریک ہیں۔
کراچی – جماعت اسلامی کے زیراہتمام یکجہتی غزہ نائٹ میں ہزاروں لوگ شریک ہیں۔ خواتین اور بچوں کی بڑی تعداد موجود ہے#Gaza_Solidarity_Night pic.twitter.com/RaFgRqdzfx
— Jamaat e Islami Pakistan (@JIPOfficial) March 30, 2024
یکجہتی غزہ نائٹ میں خواتین اور بچوں کی بڑی تعداد شریک ہے جو فلسطین کے حق اور اسرائیل کے خلاف نعرے بازی کر رہے ہیں۔
غزہ نائٹ میں شریک افراد کی جانب سے پاکستانی عوام سمیت پوری امت مسلمہ سے اسرائیلی مصنوعات کے بائیکاٹ کا مطالبہ کیا جارہا ہے۔
اے مسلمانوں اپنے منہ کے عارضی چٹخاروں کے لئے یہ بیوقوفی نہ کرو کہ اپنے ہی بھائی بہنوں اور بچوں کو مروانے کے لئے صیہونیوں کی تجوریاں بھردو#Gaza_Solidarity_Night pic.twitter.com/MMg0cT7DTi
— Saima Qutub (@Umm_e_Hanzala) March 30, 2024
واضح رہے کہ جماعت اسلامی پاکستان کے زیراہتمام اس سے قبل بھی ملک کے مختلف علاقوں میں فلسطین کے مظلوم عوام سے اظہار یکجہتی کیا جا چکا ہے۔
مزید پڑھیں
یہ بھی یاد رہے کہ 7 اکتوبر 2023 کو فلسطین کی مزاحمتی تنظیم حماس کی جانب سے کیے گئے ایک آپریشن کے بعد اسرائیل اور فلسطین کے درمیان جنگ کا سلسلہ جاری ہے۔
اسرائیل کی جانب سے کی گئی بمباری میں اب تک 30 ہزار سے زیادہ فلسطینی شہید ہو چکے ہیں۔
حالیہ دنوں اقوام متحدہ کی سلامتی کونسل نے غزہ میں جنگ بندی کی قرارداد منظور کی ہے مگر اسرائیل اپنی ہٹ دھرمی پر قائم ہے۔
