جالندھر کے کھٹے لڈو جو راولپنڈی میں بھی مشہور ہیں

ویسے تو راولپنڈی کے کوہاٹی بازار کے سموسے مشہور ہیں لیکن اسی بازار کی ایک سموسہ شاپ ایسی بھی ہے جس کے کھٹے لڈو شہر بھر میں اپنی منفرد پہچان رکھتے ہیں۔

جالندھر سموسہ  کے نام سے دکان چلانے والے چوہدری خالد جاوید بتاتے ہیں کہ ان کے والد نے ایک ٹھیلے سے اس کام کا آغاز کیا تھا۔ جالندھر سے لائے ہوئے کھٹے لڈو جب انہوں نے راولپنڈی میں بنانا شروع کیے تو وہ دیکھتے ہی دیکھتے مشہور ہوگئے۔

اب وہ ٹھیلے کی جگہ اپنی دکان بنا چکے ہیں۔ چوہدری خالد جاوید نے ماضی کا البم کھولا اور بتایا کہ سابق وزیراعظم یوسف رضا گیلانی سمیت کئی اہم شخصیات ان کے لڈو کھا چکی ہیں۔ ملکہ ترنم نور جہاں نے بھی ان کے لڈو کھائے اور انہیں خوب پسند کیا۔

اس کھٹے لڈو کی ریسیپی کیا ہے اور لوگ کہاں کہاں سے انہیں خریدنے کے لیے آتے ہیں، دیکھیے ہماری ویڈیو رپورٹ میں۔۔۔