عمران خان نے کس دشمن کو خبر دی جو سزا بھگت رہے ہیں، علیمہ خان

بانی پی ٹی آئی عمران خان کی ہمشیرہ علیمہ خان کا کہنا ہے کہ ملک کی خبریں باہر پہنچانا غداری ہوتی ہے ان کے بھائی نے کس دشمن کو انفارمیشن دی جو انہیں سزا مل رہی ہے۔

صحافیوں سے گفتگو کرتے ہوئے انہوں نے سائفر کیس کا حوالہ دیتے ہوئے کہا کہ غداری وہ ہوتی ہے کہ اگر اپ اپنے ملک کی انفارمیشن باہر کسی کو دیں۔ انہوں نے مزید کہا کہ غداری تو عوام کے ساتھ ہو رہی تھی جن کا ووٹ چوری ہو رہا تھا۔

علیمہ خان نے کہا کہ ججز کو کیا مشکل پیش آ رہی ہے یہ فیصلہ کرنے کے لیے کہ شاہ محمود اور عمران خان غدار ہیں یا نہیں، ابھی تک فیصلہ کیوں نہیں ہورہا۔

انہوں نے کہا کہ ہمیں یہ لگنے لگ گیا ہے کہ ہم تمام پاکستانی ہی غدار ہیں اور یہ ملک کسی اور کا ہے۔

علیمہ خان کا کہنا تھا کہ ہمیں فیصلہ کرنا ہو گا کہ ہم اپنا بندوبست کہیں اور کر لیں یا اپنے ملک کے لیے کھڑے ہو جائیں۔