نوجوانوں کو منشیات سے بچانا ہمارا عزم ہے، پیچھے نہیں ہٹیں گے، مریم نوازشریف

وزیراعلیٰ پنجاب مریم نواز کا ویژن ’ڈرگ فری پنجاب‘۔ وزیراعلیٰ مریم نواز کی ہدایت پر منشیات استعمال اور بیچنے والوں کی خلاف مہم تیز کردی گئی ہے۔ وزیراعلیٰ مریم نوازشریف کی ہدایت پر صوبہ بھر میں 17 روز میں 10 ہزار سے زائد چھاپے مارے گئے۔ 4713 ملزم گرفتار اور 4941 ایف آئی آر درج کی گئیں۔ وزیراعلیٰ مریم نوازشریف نے کہا کہ نوجوانوں کو منشیات سے بچانا ہمارا عزم ہے اور پیچھے نہیں ہٹیں گے۔

مزید پڑھیں

• اقلیتوں کی طرف اٹھنے والی ہر بری نظر کو آہنی ہاتھوں سے روکوں گی، وزیراعلیٰ مریم نواز

  

• صوبائی وزرا کی مرحوم ن لیگی کارکن کے گھر آمد، بچوں کی تعلیم و شادی کے اخراجات اٹھانے کا اعلان

  

• پاکستانی خواتین میں ای سگریٹ کا بڑھتا رجحان، اس کے نقصانات کیا ہیں؟

  

• لاہور ہائیکورٹ: کسان کارڈ پر نواز شریف کی تصویر لگانے کے خلاف درخواست خارج

  

• ایم پی اے ہو، ایم این اے ہو، یا چیف منسٹر، قانون سے بڑا کوئی نہیں، وزیراعلیٰ پنجاب

  

وزیراعلیٰ آفس سے جاری بیان کے مطابق انسدادِ منشیات مہم کے دوران 3398 کلو چرس اور 20کلو افیون برآمد ہوئی۔ ساڑھے 17 کلو خطرناک ترین نشہ آئس بھی برآمد کی گئی۔ انسداد منشیات مہم کے دوران 42 ہزار لیٹر سے زائد شراب بھی پکڑ ی گئی۔

گزشتہ 24 گھنٹے میں پولیس اور دیگر اداروں کے 427 چھاپے مارے اور 139 گرفتاریاں اور 173 ایف آئی آر درج کی گئیں۔ ایک ہی روز میں 102 کلو چرس کے علاوہ آئس اور ہیروئن بھی برآمد ہوئی۔