پاکستان میں منگل کی صبح انٹرنیٹ کی سروسز معطل ہوئیں جس کے بعد اب چند علاقوں میں سروس بحال ہونا شروع ہوگئی ہے۔ لیکن تا حال انٹرنیٹ سروس معطل ہونے کی کوئی خاص وجہ سامنے نہیں آ سکی۔
ذرائع ٹیلی کام آپریٹرز کا کہنا ہے کہ انٹرنیٹ میں خلل بظاہر اندرونی معاملہ ہے۔
ذرائع کے مطابق انٹرنیٹ معطلی اور بحالی کی ذمہ داری پاکستان ٹیلی کمیونیکیشن اتھارٹی (پی ٹی اے) اور ٹیلی کام آپریٹرز کی ہوتی ہے۔
پی ٹی اے ذرائع کے مطابق انٹرنیٹ میں خلل کی ایک وجہ سب میرین کیبل کا متاثر ہونا بھی ہوتا ہے۔