خیبرپختونخوا حکومت نے سابق وزرائے اعلیٰ کا پروٹوکول ختم کر دیا، جس کے بعد سابق وزرائے اعلیٰ سردار مہتاب عباسی، امیر حیدر ہوتی، صابر شاہ، پرویز خٹک اور محمود خان سے پرائیویٹ سیکریٹریز کی خدمات بھی واپس لے لی گئیں۔
وزیراعلیٰ منتخب ہونے کے بعد علی امین گنڈاپور نے سابق وزرائے اعلیٰ سے تمام سہولیات اور مراعات واپس لینے کا اعلان کیا تھا جس کی باقاعدہ منظوری پہلے کابینہ اجلاس میں دی گئی تھی۔
مزید پڑھیں
کابینہ اجلاس میں فیصلہ ہوا تھا کہ صوبہ سابق وزرائے اعلیٰ کو سہولیات اور مراعات دینے کا متحمل نہیں ہو سکتا جس کی وجہ سے واپس لینے کا فیصلہ کیا گیا۔
کابینہ نے تمام سابق وزرائے اعلیٰ سے سرکاری گاڑیاں، پولیس سیکیورٹی اور پرائیوٹ سیکریٹریز کی خدمات واپس لینے کی منظوری دی تھی۔