پاکستان کرکٹ ٹیم کے سابق مڈل آرڈر بیٹر عمر اکمل کا کہنا ہے’ اللہ کے بعد مجھے شریف خاندان پر بھروسہ ہے‘۔
نجی ٹی وی چینل سے بات کرتے ہوئے عمر اکمل نے شکوہ کیا کہ کافی عرصے سے انہیں کرکٹ نہیں کھیلنے دی جارہی ہے۔ پاکستان کرکٹ بورڈ (پی سی بی) میں جو بڑے بیٹھے ہیں وہ ان سے پرسنل ہورہے ہیں، انہوں نے اپنی پرفارمنس دکھائی اور درخواست کی کہ وہ انہیں موقع دیں۔
انہوں نے مزید کہا’ میں نواز شریف اور وزیراعلیٰ پنجاب مریم نواز صاحبہ کا شکر گزار ہوں جنہوں نے مجھے ہمیشہ وقت دیا۔ اللہ کے بعد مجھے شریف خاندان پر بھروسہ ہے کہ وہ میرے مسائل جلد حل کریں گے، انشااللہ اگر موقع ملا تو انٹرنیشنل کرکٹ میں کم بیک کروں گا‘۔
اللہ کے بعد شریف خاندان سے امید ہے، عمر اکمل pic.twitter.com/c4ccKv9Tlb
— Salman Durrani (@DurraniViews) April 17, 2024
ایک صارف کا کہنا تھا کہ یہ واحد کرکٹر ہے جو لندن تک شریف خاندان سے درخواست کرنے گیا مگر ابھی تک کچھ حاصل نہیں ہوا۔
یہ ایک اکیلا کرکٹر ہے جو لندن تک شریف خاندان سے بھیک مانگنے گیا مگر ابھی تک کچھ حاصل نہیں ہوا۔ 😂 https://t.co/MINTc6BCPe
— 🇵🇰صاحبّ جـــــــی🇵🇰 (@ReallAsad) April 17, 2024
ایک ایکس صارف نے کہا کہ عمر اکمل کو بھی سرکاری نوکری چاہیے۔
Isko bhi koi sarkari noukri chahiye bus https://t.co/wublzaGwCw
— RoCkY.BhAi (@_rockybhai) April 18, 2024
عادل حسین سواتی نے طنزاً لکھا کہ عمر اکمل کو شاید کسی نے بتایا نہیں، انہیں نواز شریف نہیں بلکہ محسن نقوی کا نام لینا چاہیے تھا۔
اس پاگل کو شاید کسی نے بتایا نہیں محسن نقوی کا نام لینا تھا ۔۔۔ https://t.co/DTa6ZIVISE
— عادل حسین سواتی (@adilhussain06) April 17, 2024
واضح رہے کہ گزشتہ برس اگست میں عمر اکمل سابق وزیراعظم نواز شریف سے ملنے لندن گئے تھے، جہاں میڈیا سے بات کرتے ہوئے ان کا کہنا تھا ’کم بیک کی کوشش کررہا ہوں، نواز شریف سے ایک درخواست کی ہے امید ہے وہ جلد قبول ہوجائے گی‘۔
