جماعت اسلامی پاکستان کے نومنتخب امیر حافظ نعیم الرحمان نے 5 سال کے لیے جماعت اسلامی کے امیر کی حیثیت سے حلف اٹھائیں لیا ہے۔
مرکز جماعت اسلامی منصورہ لاہور میں حلف برداری کی تقریب کا آغاز بعد از نماز مغرب ہوا۔
حلف برداری کی تقریب میں سابق امیر جماعت اسلامی پاکستان سراج الحق، نائب امیر لیاقت بلوچ، ڈاکٹر فرید پراچہ، راشد نسیم، سیکرٹری جنرل امیر العظیم، شیخ الحدیث مولانا عبدالمالک، ڈپٹی سیکرٹری جنرل اظہر اقبال حسن شریک ہوئے۔
تقریب میں سید وقاص جعفری، محمد اصغر، ترجمان جماعت اسلامی قیصر شریف، مرکزی رہنما حافظ محمد ادریس، علمائے کرام، مشائخ عظام، سینیئر صحافی، اینکر پرسنز، وکلا، سیاسی و سماجی شخصیات، کارکنان اور مختلف شعبہ ہائے زندگی سے تعلق رکھنے والی دیگر اہم شخصیات شریک ہوئیں۔
منصورہ سے جاری بیان میں کہا گیا تھا کہ نومنتخب امیر انجینیئر حافظ نعیم الرحمان حلف برداری کی تقریب کے فوراً بعد مرکزی مجلس عاملہ کے اجلاس سے خطاب بھی کیا ہے۔
انہوں نے جماعت اسلامی کی مرکزی مجلس شوریٰ کا اجلاس بھی طلب کر رکھا تھا جو کہ منصورہ میں ہی 3 روز تک (19تا21 اپریل) جاری رہے گا۔
حافظ نعیم الرحمان مجلس عاملہ اور مرکزی مجلس شوریٰ کے اجلاس کی صدارت اور اتوار 21اپریل کو آئندہ کے لائحہ عمل کا اعلان کریں گے۔
