انڈیا کے لیجنڈری کامیڈین کپل شرما نے کہا ہے کہ وہ عالمی شہرت یافتہ موسیقار اور گلوکار اے آر رحمان (اللہ رکھا رحمان) کی فون کال مس کرنے پر پوری رات روتے رہے۔
کپل شرما کے مطابق وہ ملک سے باہر تھے اسی لیے فون ریسیو نہ کرسکے۔ اے آر رحمان انہیں فلم ’امر سنگھ چمکیلا‘ کا حصہ بنانا چاہتے تھے۔ بھارتی میڈیا کے مطابق کامیڈین نے بتایا کہ جب بعد میں وہ اے آر رحمان سے ملے تو انہوں نے بتایا کہ وہ انہیں فلم ’امر سنگھ چمکیلا‘ کے لیے فون کررہے تھے۔
ڈائریکٹر امتیاز علی چاہتے تھے کہ اگر مرکزی کردار کے لیے دلجیت دوسانج دستیاب نہ ہوں تو پھر وہ کردار کپل شرما کو دیا جائے۔
