خیبرپختونخوا کے مختلف اضلاع میں تیز بارشوں کے باعث حادثات کے نتیجے میں اب تک 46 افراد جاں بحق جبکہ 60 افراد زخمی ہو چکے ہیں۔
صوبائی ڈیزاسٹر منیجمنٹ اتھارٹی (پی ڈی ایم اے) خیبرپختونخوا حکومت کی جانب سے جاری جانی و مالی نقصانات کی رپورٹ کے مطابق جاں بحق افراد میں 25 بچے 12 مرد اور 9 خواتین شامل ہیں۔
مزید پڑھیں
پی ڈی ایم اے نے بتایا کہ خیبرپختونخوا میں مجموعی طور 2875 مکانات کو نقصان پہنچا، 436 گھروں مکمل تباہ ہو گئے جبکہ 2439 گھروں کو جزوی نقصان پہنچا۔ حادثات خیبر، دیر، چترال، سوات، باجوڑ، شانگلہ، مانسہرہ، مہمند، مالاکنڈ اور دیگر اضلاع میں ہوئے۔
پی ڈی ایم اے نے بتایا کہ مالی امداد اور امدادی سرگرمیوں کے لیے 11 کروڑ روپے جاری کیے ہیں۔ پی ڈی ایم اے کا ایمرجنسی آپریشن سینٹر مکمل طور پر فعال ہے عوام کسی بھی نا خوشگوار واقعے کی اطلاع 1700 پر دیں۔
