کمشنر کراچی نے 23 اپریل کے روز کراچی میں عام تعطیل کا نوٹیفکیشن جاری کردیا ہے، اس موقع پر تمام نجی و سرکاری اداروں سمیت تمام تعلیمی ادارے بھی بند رہیں گے۔
کمشنر ہاؤس کراچی کے مطابق 23 اپریل بروز منگل کو ایران کے صدر ابراہیم رئیسی اپنے وفد کے ہمراہ کراچی پہنچیں گے جس کی وجہ سے کسی بھی ناخوشگوار واقعہ سے بچنے کے لیے یہ قدم اٹھایا گیا ہے۔
مزید پڑھیں
کراچی میں ایرانی صدر کی وزیراعلیٰ سندھ اور گورنر سندھ سے ملاقاتیں ہوں گی، جبکہ ایرانی صدر ابراہیم رئیسی کراچی میں مزار قائد پر بھی حاضری دیں گے۔
ذرائع کے مطابق امید ظاہر کی جارہی ہے کہ ایرانی وفد کراچی کی تاجر برادری سے بھی ملاقات کرے گا۔
یاد رہے کہ ایرانی صدر ابراہیم رئیسی 22 اپریل سے 24 اپریل تک پاکستان کا دورہ کریں گے، وہ دورہ پاکستان کے دوران اسلام آباد، لاہور اور کراچی جائیں گے۔
