ایران کے صدر ابراہیم رئیسی کل 23 اپریل کو کراچی کا دورہ کریں گے، اس سے قبل کمشنر کراچی نے ڈرون اڑانے پر پابندی عائد کردی۔
کمشنر کراچی نے 7 روز کے لیے شہر میں ڈرون اڑانے پر پابندی عائد کی ہے۔
مزید پڑھیں
کمشنر نے 22 اپریل سے 28 اپریل تک شہر بھر میں ڈرون اڑانے پر دفعہ 144 کے تحت پابندی عائد کی ہے۔
کمشنر کراچی نے خبردار کیا ہے کہ قانون کی خلاف ورزی کرنے والوں کے خلاف کارروائی کی جائے گی۔
واضح رہے کہ ایرانی صدر ابراہیم رئیسی اس وقت وفد کے ساتھ اسلام آباد میں موجود ہیں، وہ کل لاہور اور پھر کراچی کا دورہ بھی کریں گے۔
اس سے قبل کمشنر کراچی نے ایرانی صدر کے دورے پر سیکیورٹی صورتحال کو مدنظر رکھتے ہوئے 23 اپریل کو عام تعطیل کا بھی اعلان کیا تھا۔
