کراچی سے کالعدم بلوچ لبریشن آرمی کا انتہائی مطلوب دہشت گرد گرفتار

کراچی کے علاقے لیاری سے انتہائی مطلوب کالعدم بلوچ لبریشن آرمی (بی ایل اے) کا دہشت گرد گرفتار کرلیا گیا ہے۔ ڈی آئی جی ساؤتھ اسد رضا کے مطابق گرفتار دہشت گرد کی شناخت معراج عرف ماما کے نام سے ہوئی ہے۔

ڈی آئی جی ساؤتھ اسد رضا نے میڈیا کو بتایا کہ گرفتار دہشت گرد نے 2017 میں تربت سے گوادر جانے والی فوج کی گاڑی کی ریکی کی تھی، جس کے بعد دہشت گردوں نےحملہ کرکے فوجی جوانوں کو شہید کیا تھا۔

ڈی آئی جی ساؤتھ کے مطابق دہشت گرد معراج نے بلوچستان نصیرآباد میں اسکول میں فوجی کیمپ کی ریکی کرائی جس کے بعددہشت گرد حملے میں فوجی جوان شہید ہوئے تھے۔ ملزم نے ماہ رمضان میں ریکی کرکے گوادر پورٹ پر حملہ کرایا جبکہ گرفتار دہشت گرد نے نوشکی میں بھی فوجی جوانوں پرحملہ کرایا تھا۔

ڈی آئی جی ساؤتھ کا کہنا تھا کہ گرفتار دہشت گرد بی ایل اے کے کمانڈر جلال کو تمام معلومات دیتا تھا۔