وزیر اعظم شہبازشریف اعلیٰ سطح کے وفد کے ہمراہ اسلام آباد سے جنیوا روانہ ہوگئے۔
وزیراعظم جنیوا میں پاکستان کی تعمیرنو اوربحالی میں شراکت کے موضوع پر کانفرنس کی صدارت کریں گے۔ وفد میں وزیرخارجہ بلاول بھٹو زرداری، وزیر خزانہ اسحاق ڈار، وزیر موسمیاتی تبدیلی شیری رحمان اور وزیراطلاعات مریم اورنگزیب شامل ہیں۔
اپنے بیان میں شہباز شریف کا کہنا تھا کہ سیلاب سے متاثر ہونے والے لاکھوں پاکستانی دنیا کی توجہ کے منتظر ہیں، بنیادی ڈھانچے کی تعمیر نو اور معیشت کی بحالی کے لیے فنڈز کا اجرا وقت کی ضرورت ہے۔
انہوں نے کہا کہ جنیوا کانفرنس میں سیلاب متاثرین کا مقدمہ اور ان کی بحالی کے لیے کیے گئے اقدامات سے دنیا کو آگاہ کریں گے۔
