اسسٹنٹ کمشنر کلر کہار ساجد منیر نے کوڑے کے ڈھیر کو چند ہی دن میں خوبصورت پارک میں تبدیل کردیا ہے۔
مزید پڑھیں
ڈپٹی کمشنر چکوال و تلہ کنگ قراۃ العین ملک نے سوشل میڈیا سائٹ ایکس پر اپنے پیغام میں کہا ہے کہ اسسٹنٹ کمشنر کلرکہار نے صفائی مہم کے دوران ایک ایسے سرکاری پلاٹ کی نشاندہی کی جس میں لوگ عرصہ دراز سے کوڑا کرکٹ پھینکا کرتے تھے، آج ان کی دعوت پر وہ کلر کہار گئیں تو دیکھا کہ یہ کوڑے کا ڈھیر ایک خوبصورت پارک میں تبدیل ہوچکا ہے، اس پارک کو بھون پارک کا نام دیا گیا ہے۔
ہمارے اسسٹنٹ کمشنر کلرکہار نے صفائی مہم کے دوران ایک ایسے سرکاری پلاٹ کی نشاندہی کی جس میں لوگ عرصہ دراز سے کوڑا کرکٹ پھینکا کرتے تھے، آفیسر نے آج تحصیل میں دعوت دی، گئی تو دیکھا کہ اس کوڑے کے ڈھیر کو چند ہی دن میں ایک خوبصورت پارک میں تبدیل کر دیا گیا تھا، مقامی بچوں کے ساتھ… pic.twitter.com/mcIjOhXaYb
— Quratulain Malik (@QuratulainPAS) April 29, 2024
قرۃ العین ملک نے کہا ہے کہ کلر کہار میں مقامی بچوں کے ساتھ بھون پارک کا افتتاح کرتے اور بچوں میں کھیلوں کا سامان تقسیم کرتے ہوئے دلی خوشی ہوئی ہے۔
انہوں نے اسسٹنٹ کمشنر کلر کہار ساجد منیر کو کچرے کے ڈھیر کو خوبصورت پارک میں تبدیل کرنے اور بچوں کو تفریح کا موقع فراہم کرنے پر خراج تحسین بھی پیش کیا ہے۔
