مانسہرہ بیدڑہ انٹرچینج پر ہائی وے ملازمان پر فائرنگ کے نتیجے میں ایم ایم پی آئی عامر شہید جبکہ کانسٹیبل نوید زخمی ہوگئے۔
مزید پڑھیں
پولیس کے مطابق یہ واقعہ ٹریفک چالان کرنے کے باعث پیش آیا۔
ڈی پی او مانسہرہ شفیع اللہ گنڈا پور نے جائے وقوعہ کا دورہ کیا اور ضروری معلومات حاصل کیں۔
پولیس نےفوری طور پر معلومات حاصل کرکے گاڑی کو ٹریس کرکےملزمان کی شناخت کرلی ہے اور موبائل نمبر حاصل کرلیے گئے ہیں۔
ملزمان کی گرفتاری کو جلد از جلد یقینی بنانے کے لیے ڈی پی او مانسہرہ کی ہدایت پر ضلع بھر کے تمام داخلی و خارجی راستوں پر ناکہ بندیاں کر دی گئی ہیں۔
پولیس کا کہنا ہے کہ واقعے میں ملوث ملزمان کو جلد از جلد گرفتار کرلیا جائے گا۔
