اسلام آباد ٹول پلازہ پر موٹروے پولیس کے افسر پر گاڑی چڑھانے والی خاتون کو راولپنڈی پولیس نے گرفتار کرلیا۔
موٹر وے پولیس کے انسپکٹر کو کچلنے والی خاتون گرفتار۔۔۔۔ایس ایچ او تھانہ ویسٹرج زاہد ظہور نے ٹیم کے ہمراہ چھاپہ مار کر اسلام آباد کلب کی حدود سے خآتون کو گرفتار کیا۔ pic.twitter.com/G2yQNjPTEk
— Abbas Shabbir (@Abbasshabbir72) April 24, 2024
کچھ روز قبل سوشل میڈیا پر خاتون کی ویڈیو وائرل ہوئی تھی جس میں وہ موٹروے پولیس سے تلخ کلامی کرتے ہوئے دکھائی دی اور پھر افسر پر گاڑی چڑھا دی۔
پولیس کے مطابق خاتون روپوش ہوگئی تھی جسے اسلام آباد سے گرفتار کیا گیا ہے۔
موٹروے پولیس کی مدعیت میں 2 جنوری کو تھانہ نصیر آباد میں مقدمہ درج کیا گیا تھا۔
راولپنڈی پولیس نے بتایا ہے کہ گرفتار ملزمہ کی شناخت فرح کے نام سے ہوئی ہے۔
راولپنڈی پولیس کی کاروائی، موٹروے پولیس کے اہلکار کو گاڑی سے کچلنے والی خاتون گرفتار،
گرفتار ملزمہ کی شناخت فرح کےنام سے ہوئی، ملزمہ نے کارسرکار میں مزاحمت کی اور روکنےکے باوجودپٹرولنگ آفییسر محمدصابر کوگاڑی سےہٹ کیا اور فرار ہو گئی تھی، واقعہ کا مقدمہ موٹروے پولیس کی مدعیت 1/4 pic.twitter.com/KQ6mUHex1v
— Rawalpindi Police (@RwpPolice) April 24, 2024
پولیس کے مطابق ملزمہ نے کار سرکار میں مزاحمت کی اور روکنے کے باوجود پیٹرولنگ آفیسر محمد صابر کو گاڑی سے ہٹ کیا اور فرار ہو گئی تھی۔