امریکی اخبار کی رپورٹ کے مطابق متعدد سوشل میڈیا صارفین نے اپنی پوسٹس میں دعویٰ کیا ہے کہ انہوں نے امریکا اور یورپ کے مختلف حصوں میں نامعلوم اڑنے والی اشیاء (یو ایف اوز) یا نامعلوم غیر معمولی صورتحال (یو اے پی) جسے ’اُڑن طشتری‘ بھی کہا جاتا ہے،کو دیکھا ہے۔
ذرائع کے مطابق یوکرین اور فن لینڈ کے لوگوں نے بھی دعویٰ کیا ہے کہ یہ مناظر انہوں نے بھی دیکھے ہیں جبکہ امریکا، ایریزونا اور کیلیفورنیا ان مقامات میں شامل ہیں جہاں اَن آئیڈینٹیفائی فلائنگ اوبجیکٹس (یو ایف اوز) یعنی اُڑن طشتری کو واضح طور پر دیکھا گیا ہے۔
🍿 UFO drops down and lights up the entire sky in Egypt.
(#UFOTwitter #UFO #UFOs #UFOSightings #UAPTwitter) pic.twitter.com/i3cOSvfGII
— 💭 think tank (@528vibes) May 4, 2024
سوشل میڈیا پر صارفین نے یہ دعویٰ کیا ہے کہ ان میں سے کچھ اشیا ’ایک قسم کا دھواں ‘ بھی چھوڑ رہی تھیں۔
Similar pic.twitter.com/MDxA4UFDqN
— 💭 think tank (@528vibes) May 4, 2024
واضح رہے کہ فضا میں اس قسم کی غیر معمولی صورت حال پیدا ہونے میں دلچسپی گزشتہ سال اس وقت عروج پر پہنچ گئی تھی جب امریکا میں حکومت نے اس معاملے کو باضابطہ طور پر اٹھانے اور تحقیقات شروع کرنے کا فیصلہ کیا، کانگریس نے مشورہ دیا تھا کہ فضا میں اس طرح کی غیر معمولی اشیا کا نظر آنا قومی سلامتی کے لیے خطرہ بن سکتا ہے۔
UFO in Palm Springs tonight. Just recorded this on an iPhone 14 in Palm Springs with no cloud cover what so ever. Then it vanishes. #ufo #uap pic.twitter.com/n9AchkfA8n
— 8bitbandit (@8bitbandit) May 3, 2024
سوشل میڈیا کی ویب سائٹ ’ایکس‘ پر ایک صارف نے اس اُڑن طشتری ’یو ایف اوز ‘ کی تصویر شیئر کرتے ہوئے لکھا ہے کہ ’براہ مہربانی مجھے بتائیں کہ یہ یو ایف او نہیں ہے؟ آسمان مکمل طور پر صاف ہے اور میں ایک انتہائی دھندلی سفید روشنی دیکھ رہا ہوں جو افقی طور پر براہ راست میری طرف آ رہی ہے۔
Saw this too from Canoga Park 🛸 pic.twitter.com/SNj8T3Blh3
— Squiddy Sen (@CapitalMichael) May 3, 2024
’اس کے بعد یہ سیدھا اوپر کو جاتا ہے اور غائب ہو جاتا ہے۔ کیا وہاں ہم نے کوئی راکٹ لانچ یا اس طرح کی کوئی چیز خلا میں تو نہیں بھیجی؟
سوشل میڈیا کے ایک اور صارف نے جواب دیا کہ انہوں نے ایریزونا میں ’ یہی چیز دیکھی ہے‘۔
نیوز نیشن کی رپورٹ کے مطابق یہ تصاویر ایک خاتون کے اس دعوے کے ایک ہفتے بعد سامنے آئی ہے کہ جب اس کا طیارہ نیویارک شہر کے اوپر پرواز کر رہا تھا تو اس نے ممکنہ طور پر ’یو ایف او‘ کو دیکھا تھا۔
ادھر یوکرین کے ایک تعلیمی منصوبے الفا سینٹوری نے بھی دعویٰ کیا ہے کہ جمعرات کی شام ملک کے کچھ علاقوں میں ایک ایسی پراسرار سفید فلیش لائٹ کو دیکھا گیا ہے جو کیلیفورنیا کے وینڈنبرگ اسپیس فورس بیس سے اسپیس ایکس فالکن 9 راکٹ لانچ سے خارج ہوئی تھی۔
