صوبہ پنجاب کے ضلع خوشاب میں ایک تیز رفتار ٹرک بے قابو ہو کر گہری کھائی میں جا گرا جس کے نتیجے میں 13 افراد جاں بحق جبکہ 9 افراد زخمی ہوگئے ہیں۔
ریسکیو ذرائع کے مطابق حادثہ خوشاب میں پنج پیر مناواں روڈ پر بریک فیل ہونے سے باعث پیش آیا جس کے نتیجے میں ٹرک بے قابو ہو کر کھائی میں جا گرا تھا۔
مزید پڑھیں
ریسکیو ذرائع کے مطابق حادثے میں خواتین سمیت 13 افراد جاں بحق ہوئے جبکہ 9 افراد زخمی بھی ہوئے ہیں۔ جاں بحق افرادکا تعلق ایک ہی خاندان سے ہے۔ متاثرہ خاندان بنوں سے مزدوری کے لیے ٹرک میں خوشاب آرہا تھا۔
ریسکیو حکام کے مطابق حادثے میں زخمی 9 افراد کو فوری طور پر ٹی ایچ کیو اسپتال منتقل کردیا گیا ہے جہاں ان کا علاج جاری ہے۔
