وزیراعلیٰ پنجاب مریم نواز نے لاہور میں پنک گیمز کی اختتامی تقریب میں شرکت کی ہے۔
پنک گیمز کی اختتامی تقریب سے خطاب کرتے ہوئے مریم نواز نے کہاکہ میں آپ کی گیمز اور ٹیلنٹ دیکھ کر بہت خوش ہوں۔ پنجاب میں کھیلوں کو فروغ دیں گے۔
مزید پڑھیں
انہوں نے کہاکہ ہم پنجاب لیگ کرانے جارہے ہیں جس میں ایک ملین تک نوجوانوں کی شرکت ہوگی اور اس سے کھیلوں کو فروغ ملے گا۔
وزیراعلیٰ نے تقریب میں والدین سے مخاطب ہوتے ہوئے کہاکہ والدین اپنی بچیوں کو موٹرسائیکل چلانے کی اجازت دیں، اس سے وہ بااختیار ہوں گی۔
انہوں نے کہاکہ ہم عوام کے لیے سیکیورٹی اور سیفٹی کا بندوبست کررہے ہیں۔
تقریب میں آمد کے موقع پر بچی نے مریم نواز کو پھول پیش کیے تو وزیراعلیٰ نے بچی کو اسٹیج پر بلالیا، اس موقع پر اس کا کہنا تھا کہ میرے پاس اتنے ہی پیسے تھے جن کے یہ پھول لے آئی اور آبدیدہ ہوگئی۔
