مقبوضہ کشمیر میں بھارتی ایئرفورس کے قافلے پر حملہ ہوا ہے جس کے نتیجے میں ایک بھارتی فوجی ہلاک جبکہ 5 زخمی ہوگئے۔
بھارتی میڈیا نے بتایا ہے کہ بھارتی ایئرفورس کے قافلے پر حملہ ضلع پونچھ میں ہوا۔
مزید پڑھیں
بھارتی ایئرفورس پر حملے کے بعد پونچھ میں سیکیورٹی سخت کردی گئی جبکہ حملہ آوروں کی تلاش بھی کی جارہی ہے۔
بھارت کی قابض سیکیورٹی فورسز کی جانب سے علاقے کا محاصرہ کرلیا گیا اور لوگوں کی تلاشی لی جارہی ہے۔
واضح رہے کہ 5 اگست 2019 کو بھارت کی سیکیورٹی فورسز نے کشمیر کی خصوصی حیثیت ختم کردی تھی جس کے بعد سے وہاں زندگی معمول کے مطابق نہیں۔
مقبوضہ کشمیر کے عوام اپنے ہی گھروں میں قید ہیں جبکہ معیشت مکمل طور پر تباہ ہوچکی ہے، اور بھارت کی جانب سے دھڑا دھڑ غیر ریاستیوں کو شہریت دی جارہی ہے۔
