پاکستان تحریک انصاف کے جنرل سیکریٹری اور قومی اسمبلی میں قائد حزب اختلاف عمر ایوب سے پاکستان میں تعینات امریکی سفیر ڈونلڈ بلوم نے اسلام آباد میں ملاقات کی ہے۔ ملاقات کے موقع پر پی ٹی آئی کے چیئرمین بیرسٹر گوہر خان، سابق اسپیکر قومی اسمبلی اسد قیصر اور پی ٹی آئی کے ترجمان رؤف حسن بھی موجود تھے۔
ڈونلڈ بلوم سے ملاقات کرنے پر صارفین کی جانب سے تحریک انصاف کو شدید تنقید کا نشانہ بنایا جا رہا ہے کہ ماضی میں عمران خان ’امریکی سازش‘ کے تحت پاکستان تحریک انصاف کی حکومت کا تختہ الٹنے کا الزام لگاتے رہے ہیں اور اپوزیشن کو تنقید کا نشانہ بناتے رہے کہ اپوزیشن میں ہوتے ہوئے وہ امریکی سفیر سے ملاقاتیں کیوں کرتے ہیں۔
ایک صارف نے تحریک انصاف کے رہنماؤں کی ڈونلڈ بلوم سے ملاقات پر تبصرہ کرتے ہوئے کہا کہ ’امریکی سازش نا منظور‘ ان کا مزید کہنا تھا کہ ’ہم امریکا کے غلام نہیں ہیں‘۔
امریکی سازش نامنطور۔
ھم امریکہ کے غلام نہیں ھیں۔ pic.twitter.com/uzyEiJMj9z— صحرانورد (@Aadiiroy2) May 6, 2024
نواز شریف کے حامی ایک صارف نے طنزاً کہا کہ 9 مئی والوں کی امریکی سفیر سے حلال ملاقاتیں۔
9 مئی والوں کی امریکی سفیر سے حلال ملاقاتیں۔ 😉 pic.twitter.com/OvGTqUhCja
— Nawaz Sharif Force (@nawazsforce) May 6, 2024
بلوچستان اسمبلی کے سابق رکن سنتوش کمار بگٹی نے کہا کہ پی ٹی آئی کا ایبسلوٹلی ناٹ وڑگیا، امریکی سفیر کے سامنے ہاتھ باندھ کر بیٹھے ہیں۔
پی ٹی آئی کا ایبسلوٹلی ناٹ وڑگیا، امریکی سفیر کے سامنے ہاتھ باندھ کر بیٹھے ہیں pic.twitter.com/jUIc6srMVf
— Santosh Kumar Bugti (@santoshkbugti) May 6, 2024
ایک ایکس صارف نے کہا کہ امریکی سفیر سے ملاقات میں کوئی حرج نہیں لیکن پی ٹی آئی کے رہنما اسی سفیر سے ملنے والے دوسرے سیاستدانوں کو غدار کے سرٹیفکیٹ دیتے تھے۔
امریکی سفیر سے ملاقات میں کوئی حرج نہیں لیکن پی ٹی آئی کے رہنما اسی سفیر سے ملنے والے دوسرے سیاستدانوں کو غدار کے سرٹیفکیٹ دیتے تھے۔ pic.twitter.com/bpaS7lP9cl
— Karakoram Times (@KarakoramTimes2) May 6, 2024
افی ویوز نامی ایک پیج نے طنزاً لکھا کہ تحریک انصاف کی قیادت امریکی سفیر کو ایبسلوٹلی ناٹ کے سپلنگ سناتے ہوئے۔
تحریک انصاف کی قیادت امریکی سفیر کو ابسولوٹلی ناٹ کے سپلنگ سناتے ہوئے pic.twitter.com/QRdjJUEiQK
— iffi (@iffiViews) May 6, 2024
صحافی اجمل جامی نے ملاقات پر تبصرہ کرتے ہوئے کہا کہ امریکی سفیر کی عمر ایوب ، بیرسٹر گوہر اور اسد قیصر سے ملاقات۔ ملاقات اپوزیشن لیڈر کے چیمبر میں ہوئی۔ یاد رہے کہ چند روز پہلے پی ٹی آئی رہنماؤں کی برطانوی ہائی کمیشن کے ذمہ داروں سے بھی ملاقات ہوئی تھی۔
ان کا مزید کہنا تھا کہ ملاقات میں موسم کی صورتحال پر بات ہوئی ہوگی کیا؟
امریکی سفیر کی عمر ایوب ، بیرسٹر گوہر اور اسد قیصر سے ملاقات۔ ملاقات اپوزیشن لیڈر کے چیمبر میں ہوئی۔
یاد رہے کہ چند روز پہلے پی ٹی آئی رہنماؤں کی برطانوی ہائی کمیشن کے ذمہ داروں سے بھی ملاقات ہوئی تھی۔
ملاقات میں موسم کی صورتحال پر بات ہوئی ہوگی کیا؟ pic.twitter.com/3cEj8EjFSN— Ajmal Jami (@ajmaljami) May 6, 2024
چند روز قبل پی ٹی آئی رہنماؤں کے ایک وفد نے برطانوی ہائی کمیشن ہائی کمشنر جین میریٹ سے ملاقات کی تھی، ملاقات میں پی ٹی آئی رہنما عمر ایوب، سیکریٹری اطلاعات رؤف حسن، اسور حامد خان شامل تھے۔
واضح رہے کہ سابق وزیر اعظم عمران خان اپوزیشن کی جانب سے پیش کردہ تحریک عدم اعتماد کے ذریعہ اپنی حکومت کے خاتمہ کا الزام براہ راست امریکا پر عائد کرتے رہے ہیں، جسے امریکی محکمہ خارجہ نے مسترد کردیا تھا۔
