سانحہ 9 مئی کا ایک سال مکمل ہونے پر مختلف اینکرز پرسنز نے اپنے خیالات کا اظہار کرتے ہوئے کہا ہے کہ 9 مئی کو ایک نام نہاد سیاسی ٹولے کی جانب سے شہداء کے مجسموں کی بے حرمتی کی گئی تھی جس کی وہ شدید الفاظ میں مذمت کرتے ہیں، اس طرح کی شر پسندی میں ملوث تمام لوگوں کو کیفر کردار تک پہنچانا چاہیے۔
اینکر پرسنز نے اپنے تاثرات کا اظہار کرتے ہوئے کہا ہے کہ کسی بھی قوم کے شہداء اس ملک کے ماتھے کا جھومر ہوتے ہیں، قومیں اپنے شہیدوں کو نہیں بھولتیں کیونکہ ان کی ترقی میں شہداء کا لہو شامل ہوتا ہے۔
مزید پڑھیں
اینکرپرسنز کا کہنا ہے کہ شہیدوں نے اپنا سب کچھ ملک کی خاطر قربان کیا ہوتا ہے، 9 مئی کو بعض شرپسند عناصر نے نہ جانے کن لوگوں کے مذموم مقاصد کو پورا کرنے کے لیے اپنے ہی شہیدوں کی یادگاروں کو جلا دیا۔
اینکرپرسنز نے سوال اٹھایا ہے کہ ملکی تنصیبات پر حملہ کر کے انہوں نے کن لوگوں کو خوش کیا اور یہ کس قسم کا احتجاج تھا؟ شہداء کی یادگاروں کی بے حرمتی کی گئی وہ قابل مذمت ہے، اس طرح کی شر پسندی میں ملوث تمام لوگوں کو کیفر کردار تک پہنچانا چاہیے۔
’شہداء نے اپنی جانیں اس سرزمین پاکستان پر قربان کی ہیں جو ہم پر ان کا احسان ہے۔ جو قومیں اپنے محسنوں کو فراموش کر دیتی ہیں وہ تاریخ کے صفحات سے مٹ جاتی ہیں، احتجاج کی آڑ میں جو ہماری ملکی سالمیت پر حملہ کرے گا وہ کسی صورت بھی قابل معافی نہیں ہے۔‘
اینکرپرسنز نے کہا ہے کہ فوج کے جوان جس حد تک ہمارے لیے قربانیاں دیتے ہیں ان میں ان کا کوئی ذاتی فائدہ نہیں ہوتا، 9 مئی کو ایک نام نہاد سیاسی ٹولے کی جانب سے شہداء کے مجسموں کی بے حرمتی کی گئی تھی جس کی وہ شدید الفاظ میں مذمت کرتے ہیں۔
