بنگلہ دیش کرکٹ بورڈ نے پاکستان کے دورۂ بنگلہ دیش 2026 کی 3 ون ڈے میچوں پر مشتمل سیریز کی عالمی نشریات کی تفصیلات جاری کر دی ہیں۔ شائقینِ کرکٹ دنیا بھر میں اپنے علاقائی ٹی وی چینلز اور اسٹریمنگ پلیٹ فارمز کے ذریعے میچز براہِ راست دیکھ سکیں گے۔
مزید پڑھیں: بنگلہ دیش کرکٹ بورڈ ساتھ کھڑے ہونے پر پاکستان کا مشکور، بھارت کے خلاف میچ کھیلنے کی درخواست کردی
پاکستان میں میچز کی براہِ راست نشریات پی ٹی وی سپورٹس پر جبکہ آن لائن اسٹریمنگ Tapmad، MYCO اور Tamasha پر دستیاب ہوگی۔ بنگلہ دیش میں میچز T Sports اور Nagorik TV پر نشر کیے جائیں گے جبکہ iScreen پر اسٹریمنگ ہوگی۔
بھارت میں شائقین FanCode کے ذریعے میچز دیکھ سکیں گے جبکہ برطانیہ میں نشریات ARY پر دستیاب ہوں گی۔ شمالی امریکا کے 23 ممالک میں کرکٹ کے مداح Willow TV کے ذریعے ایکشن سے لطف اندوز ہوں گے۔
Catch the live action of the Pakistan Tour of Bangladesh 2026 (3 ODIs) live on your regional broadcasters and streaming platforms worldwide! 🏏📺
Bangladesh
TV: T Sports, Nagorik TV
OTT: iScreenPakistan
TV: PTV Sports
OTT: Tapmad, MYCO, TamashaIndia
OTT: FanCodeUnited… pic.twitter.com/oG5BKlTBvk
— Bangladesh Cricket (@BCBtigers) March 10, 2026
اسی طرح مشرقِ وسطیٰ اور شمالی افریقہ کے 20 ممالک اور جنوب مشرقی ایشیا کے 11 ممالک میں میچز کی ڈیجیٹل اسٹریمنگ Cricbuzz پر فراہم کی جائے گی۔ سری لنکا میں نشریات Dialog TV جبکہ اسٹریمنگ PeoTV پر ہوگی۔
مزید پڑھیں: محسن نقوی سے بنگلہ دیش کرکٹ بورڈ کے صدر کی ملاقات، بھارت کے خلاف مؤقف کی حمایت پر اظہار تشکر
بنگلہ دیش کرکٹ بورڈ کے مطابق دنیا کے دیگر ممالک میں بھی میچز مختلف ڈیجیٹل پلیٹ فارمز کے ذریعے نشر کیے جائیں گے تاکہ شائقین کرکٹ پاکستان اور بنگلہ دیش کے درمیان سنسنی خیز مقابلوں سے بھرپور لطف اٹھا سکیں۔
