پاکستان اسٹاک ایکسچینج میں منگل کو کاروبار کے آغاز پر تیزی کا رجحان جاری ہے اور کے ایس ای 100 انڈیکس میں 73ہزار پوائنٹس کا نفسیاتی عبور کر لیا ہے۔
مزید پڑھیں
گزشتہ روز کاروباری سرگرمیوں کے آغاز پر مارکیٹ میں تیزی رہی اور انڈیکس میں 351.07 پوائنٹس کا اضافہ ہوا جس کے بعد انڈیکس 73ہزار پوائنٹس کی نفسیاتی حد کوعبور کرتے ہوئے 73115.31 پوائنٹس ہو گیا۔
دن کے 12 بجے تک مارکیٹ میں مجموعی طور پر 33کروڑ 12لاکھ سے زیادہ حصص کالین دین ہوا جن کی مالیت 12.47 ارب روپے ہے۔
کاروبار سرگرمیوں کے آغازپر پاک الیکٹران ، فوجی فوڈز اور ہم نیٹ ورک لمیٹڈ کے زیادہ حصص کا لین دین ہوا۔
اسٹاک ایکسچینج میں کاروباری ہفتے کے آغازپر تیزی کا رحجان
قبل ازیں پاکستان سٹاک ایکسچینج میں پیر کو کاروباری ہفتے کے آغازپرتیزی کارحجان رہا اورکے ایس ای 100 انڈیکس 862.15 پوائنٹس کے اضافہ کے بعد 72764.24 پوائنٹس پربندہوا تھا۔ کاروباری سرگرمیوں کے دوران مجموعی طورپر57 کروڑ، 83 لاکھ، 88 ہزار، 643 حصص کالین دین ہواجن کی مالیت 24.51 ارب روپے تھی۔
مجموعی طورپر389کمپنیوں کے حصص کالین دین ہوا، 258 کمپنیوں کے حصص کی قیمتوں میں اضافہ اور1108 کی قیمتوں میں کمی ہوئی۔
23 کمپنیوں کے حصص میں کوئی ردوبدل نہیں ہوا۔ پاک الیکٹران، فوجی سیمنٹ اورکے الیکٹرک کے زیادہ حصص کی لین دین ہوئی۔ تینوں کمپینوں کے بالترتیب 48443791، 40362811 اور26775432 حصص کالین دین ہوا۔سفائیرٹیکسٹائل ملز لمیٹد کے حصص میں سب سے زیادہ 84.42 روپے فی حصص اضافہ اورہوئسٹ پاکستان کے فی حصص قیمت میں سب زیادہ 66.13 روپے کی کمی ہوئی۔
کے ایس 30 انڈیکس 180.59 پوائنٹس کے اضافے کے بعد 23775.44 پوائنٹس پربند ہوا۔ گزشتہ روز فیوچرٹریڈنگ کے تحت 9.12 ارب روپے کے سودے ہوئے۔
