پنجاب کے وزیر تعلیم نے گرمی کی شدت میں اضافے کے پیش نظر اسکولوں اور کالجوں میں موسم گرما کی تعطیلات کے شیڈول کا اعلان کر دیا ہے تاہم اس کا باقاعدہ نوٹیفکیشن بعد میں جاری کیا جائے گا۔
مزید پڑھیں
میڈیا رپورٹس کے مطابق پنجاب کے وزیر تعلیم رانا سکندر حیات نے بتایا ہے کہ موسم گرما کی تعطیلات 7 جون 2024 سے شروع ہوں گی اور 19 اگست 2024 کو ختم ہوں گی۔ محکمہ تعلیم کی جانب سے آئندہ چند ہفتوں میں اس حوالے سے نوٹیفکیشن جاری کیے جانے کا امکان ہے۔
قبل ازیں نیشنل ڈیزاسٹر مینجمنٹ اتھارٹی (این ڈی ایم اے) نے خبردار کیا تھا کہ جون میں زیادہ سے زیادہ درجہ حرارت 49.5 ڈگری سینٹی گریڈ تک پہنچنے کا امکان ہے۔ اس کے علاوہ اگست میں درجہ حرارت 48.63 ڈگری سینٹی گریڈ تک پہنچ سکتا ہے۔
