خیبرپختونخوا کے ضلع چترال کی انتظامیہ نے لینڈسلائیڈنگ اور طغیانی کے خدشات کے پیش نظر تمام سرکاری اور نجی تعلیمی اداروں میں 3 دن کے لیے تعطیلات کا اعلان کر دیا گیا ہے۔
مزید پڑھیں
ڈپٹی کمشنر لوئر چترال کی جانب سے جاری نوٹیفکیش کے مطابق ڈسٹرکٹ ایجوکیشن آفیسر (مردانہ) لوئر چترال نے درخواست کے ذریعے اسکولوں کو بند کرنے کی تجویز دی ہے۔
بارش کے پانی اور لینڈ سلائیٹنگ سے موسمی ندی نالوں کے بھر جانے کی وجہ سے گاڑیوں اور پیدل چلنے والوں کے لیے مشکلات پیدا ہوگئی ہیں۔
نوٹیفکیشن کے مطابق موجودہ موسمی حالات میں اساتذہ اور طلبا و طالبات کی حفاظت کو یقینی بنانے کے لیے ضلع لوئر چترال کے تمام سرکاری و نجی تعلیمی اداروں کو 3 دن یعنی 15 اپریل سے 17 اپریل 2024 تک بند رکھنے کا فیصلہ کیا گیا ہے۔