سعودی ولی عہد کے ممکنہ دورہ پاکستان کو سراہتے ہیں، ترجمان امریکی محکمہ خارجہ

امریکی محکمہ خارجہ کے ترجمان میتھیو ملر نے کہا ہے کہ سعودی عرب کے ولی عہد محمد بن سلمان کے ممکنہ دورہ پاکستان کی حمایت کرتے ہیں اور اسے سراہتے ہیں۔

امریکی محکمہ خارجہ کے ترجمان میتھیو ملر نے پریس بریفنگ کے دوران سعودی عرب کے ولی عہد محمد بن سلمان کے ممکنہ دورہ پاکستان کے حوالے سے ایک سوال کے جواب میں کہا کہ شراکت داروں کے درمیان سفارتی تعلقات کی حمایت کرتے ہیں، میرے پاس سعودی ولی عہد کے دورہ پاکستان پرمزید تبصرہ کے لیے کچھ نہیں ہے، ان کے دورہ پاکستان کی حمایت اور اسے سراہیں گے۔

پاکستان کی سیاست میں مداخلت کے سے متعلق سوال کے جواب میں میتھیو ملر نے کہا کہ پاکستان میں کسی سیاسی جماعت کو سپورٹ نہیں کرتے، پاکستانی انتخابات سے متعلق ہمارے موقف میں کوئی تبدیلی نہیں آئی ہے۔

امریکی محکمہ خارجہ کے ترجمان نے کہا کہ امریکی سفیر ڈونلڈ بلوم نے پاکستان میں قائد حزب اختلاف عمر ایوب اور دیگر سے ملاقات کی، ملاقات میں معاشی اصلاحات، انسانی حقوق، علاقائی سلامتی اور باہمی امور پر تبادلہ خیال کیا گیا۔