وہ دن گئے جب صرف بڑی عمر کے لوگ ہی کاروبار میں آگے ہوتے تھے اور کروڑ پتی بنتے تھے، اب نوجوان رکاوٹوں کو توڑ رہے ہیں اور بہت چھوٹی عمر میں کاروبار میں قدم جما کر خود کو کامیاب ثابت کررہے ہیں۔
بھارتی نژاد امریکن لڑکی پرانجلی اوستھی ایسی ہی ایک نوجوان لڑکی ہیں جنہوں نے ثابت کردیا کہ کاروباری دنیا میں کامیابی حاصل کرنے میں عمر کوئی رکاوٹ نہیں ہے۔
مزید پڑھیں
مصنوعی ذہانت کے بارے میں بصیرت رکھنے والی پرانجلی نے 2022 میں کمپنی Delv.AI کی بنیاد رکھی، صرف 16 سال کی عمر میں اس کے اختراعی خیالات اور عزم نے اس کے اسٹارٹ اپ کو قابل ذکر بلندیوں تک پہنچا دیا ہے، جس کی موجودہ کمائی 100 کروڑ (بھارتی روپے) سے زیادہ ہے۔
پرانجلی اوستھی 11 سال کی عمر میں انڈیا سے امریکی ریاست فلوریڈا منتقل ہو گئی تھی، جہاں اس نے کامیابی کے جھنڈے گاڑ دیے ہیں۔
کمپیوٹر سائنس پر عبور حاصل کرنے کے بعد 13 سال کی عمر میں پرانجلی اوستھی نے فلوریڈا انٹرنیشنل یونیورسٹی کی ریسرچ لیبز میں انٹرن شپ حاصل کی، جس کے بعد اس انے اپنی مصنوعی ذہانت کی کمپنی Delv.AI شروع کرنے کا سوچا۔
مزید یہ کہ پرانجلی اوستھی نے مشین لرننگ پروجیکٹس پر کام شروع کیا۔ اس کے کام میں ڈیٹا پر بہت سی تحقیق شامل تھی اور وہاں سے اس نے محسوس کیا کہ AI متعدد مسائل کو حل کرنے میں مددگار ثابت ہوسکتی ہے۔
پرانجلی اوستھی کی قائم کردہ Delv.AI کا بنیادی مقصد درست آن لائن معلومات تک مؤثر طریقے سے رسائی حاصل کرنے میں محققین کی مدد کرنا ہے۔
گزشتہ سال پرانجلی کے اسٹارٹ اپ نے کامیابی سے 3.7 کروڑ روپے کمائے،اب کمپنی کے پاس 10 ملازمین تک کی ٹیم ہے اور اس کی اس کمپنی کے اب 100 کروڑ (بھارتی روپے) سے زیادہ اثاثے ہیں۔
