نیٹکو گلگت بلتستان نے 11 مئی سے گلگت تا چترال کوسٹر سروس کا آغاز کر دیا ہے۔ نیٹکو سروس گزشتہ ایک دہائی سے چترال اور گلگت کے درمیان شہریوں کو روزانہ کی بنیاد پر آمدورفت کی سہولت مہیا کرنے میں اہم کردار ادا کر رہا ہے۔
مزید پڑھیں
چترال سائڈ پر مستوج سے بونی تک انتہائی خراب اور تباہ حال سڑک کی وجہ سے اس سروس نے اپنا آخری اسٹاپ مستوج میں قائم کیا تھا، جس کی وجہ سے بونی اور لوئر چترال جانے والے مسافروں اور سیاحوں کو مشکلات پیش آرہی تھیں۔
اب مین چترال مستوج روڈ پہلے کی نسبت بہتر ہو گیا ہے اور کوسٹر سروس سے گلگت اور چترال کے مسافروں اور سیاحوں کو سہولت ملے گی ۔
خصوصاً حالیہ دنوں میں چترال میں منعقد ہونے والی کیلاش فیسٹول ’چلم جوشٹ‘ دیکھنے کے خواہشمند گلگت کے ہزاروں سیاحوں کو چترال جانے میں بھی سہولت رہے گی۔ عوامی حلقوں نے نیٹکو کوسٹر سروس شروع کرنے کا خیر مقدم کیا ہے ۔