پاکستان میں سعودی عرب کے سفارت خانے میں سعودی عرب کے سفیر نواف بن سعید المالکی نے پاکستانی عازمین حج کے لیے ’ روڈ ٹو مکہ انشیئٹیو‘ کے تحت ابتدائی پروازوں کا افتتاح کر دیا ہے۔
مزید پڑھیں
سماجی رابطے کی ویب سائٹ ’ایکس‘ پر سعودی عرب کے سفارت خانے کی جانب سے جاری پوسٹ کے مطابق جمعہ کو ’ روڈ ٹو مکہ انشیئٹیو‘ کے تحت ابتدائی پروازوں کے افتتاح کے موقع پر سعودی عرب کے سفیر نواف بن سعید المالکی کے ہمراہ پاکستان کی وزارت مذہبی امور و بین المذاہب ہم آہنگی کے سیکریٹری بھی موجود تھے۔
#اسلام_آباد|آج عزت مآب سفیرنےوزارت مذہبی اموروبین المذاہب ہم آہنگی کےسیکرٹری کی موجودگی میں اسلامی جمہوریہ پاکستان کےعازمین حج کےلیے #روڈ_ٹو_مکہ_انیشیٹو کےتحت اولین فلائٹوں کا افتتاح کیا، جس کا مقصد #اللہ_کے_گھر_تک_حجاج_کرام کے سفری طریقہ کار کو سہولت وآسانی سے مکمل کرنا ہے۔ pic.twitter.com/tkOuyMY49n
— السفارة في باكستان – سعودی سفارت خانہ (@KSAembassyPK) May 10, 2024
سعودی عرب کے سفارت خانے میں افتتاحی تقریب کے دوران عازمین حج کو حج کی رہنمائی کے لیے خصوصی سفری بیگ بھی دیے گئے، ’روڈ ٹو مکہ انیشیئٹیو‘ کا مقصد اللہ کے گھر تک حجاج کرام کے سفری طریقہ کار کو سہولت و آسانی سے مکمل کرنا ہے۔
