حکومت پنجاب میں لاکھوں طلبہ کو عینکیں اور آلہ سماعت فراہم کرے گی، اس حوالے سے وزیراعلیٰ پنجاب مریم نواز شریف نے پنجاب بھر کے 7 لاکھ طلبہ کو عینکیں اور آلہ سماعت (ہیرنگ ایڈ) فراہم کرنے کی منظوری دے دی ہے۔
مزید پڑھیں
اس حوالے سے حکومت پنجاب کے زیر نگرانی پہلے مرحلے میں ایک نجی ادارے کے تحت سرکاری و نجی اسکولوں میں طلبہ کے نظر اور سماعت کے ضروری ٹیسٹ کیے جائیں گے، اسکریننگ کے اس عمل کے بعد ہی طلبہ میں عینکیں اور آلہ سماعت تقسیم کیے جائیں گے۔
7لاکھ طلبہ کو عینک اور ہیرنگ ایڈ فراہم کرنے کا پراجیکٹ
وزیراعلٰی @MaryamNSharif نے منظوری دے دی
سکولوں میں طلبہ کی سکریننگ کر کے نظر اور قوت سماعت چیک کی جائے گی pic.twitter.com/OgtaSrb2S0
— Government of Punjab (@GovtofPunjabPK) May 11, 2024
علاوہ ازیں حکومت پنجاب آٹزم سپیکٹرم ڈس آرڈر میں مبتلا خصوصی بچوں کے لیے اسکول کے قیام کا عزم بھی رکھتی ہے۔
آٹزم کیا ہے؟
واضح رہے کہ آٹزم اسپیکٹرم ڈس آرڈر یا اے ایس ڈی ساری عمر رہنے والی ایک ایسی بیماری ہے جس میں مریض کا لوگوں سے بات کرنا متاثر ہوتا ہے۔ انسان کی ذہنی استعداد کا عمل بھی متاثر ہوتا ہے تاہم یہ مختلف افراد میں مختلف سطح پر ہوتا ہے کبھی یہ کم اور کبھی بہت زیادہ متاثر کرتا ہے۔
