صوبہ خیبرپختونخوا کے شہر ایبٹ آباد میں گزشتہ روز تحصیل چیئرمین عاطف منصف خان پر ہونے والی فائرنگ کے نتیجے میں ہلاکتوں کی تعداد 11 ہوگئی۔
مقتول تحصیل چیئرمین ، جن کا تعلق پاکستان تحریک انصاف سے تھا، کی نمازجنازہ آج دن گیارہ بجے ادا کر دی گئی۔
دوسری طرف 11 افراد کے قتل کے اس واقعہ کا مقدمہ تھانہ حویلیاں میں درج کرلیا۔ مقدمہ میں 302، 148 ، 427 ،اور 109 کی دفعات شامل کی گئی ہیں۔
ایبٹ آباد : پی ٹی آئی کے تحصیل چیئرمین عاطف خان سمیت 8 افراد قتل
ایف آئی آر میں پی ٹی آئی ہی سے تعلق رکھنے والے ، تحصیل چیئرمین کے سابق اسلم زر خان سمیت دس ملزمان کو نامزد کیا گیا ہے۔ پولیس حکام کے مطابق ملزمان کی گرفتاری کیلئے خصوصی ٹیمیں تشکیل دے دی گئیں۔
واقعہ میں ہلاک ہونے والے بعض افراد کی نعشیں شناخت کے قابل نہیں ہیں ۔ ناقابل شناخت سات نعشوں کے نمونے ڈی این اے کیلئے لاہور بھیج دئیے گئے ہیں۔
