کوئٹہ کے علاقے سرکی روڈ پر معمولی لڑائی جھگڑے پر 10 سالہ بچے کو قتل کردیا گیا۔
ایس ایس پی آپریشن جواد طارق نے بتایا ہے کہ سرکی روڈ پر 10 سالہ بچے اسد کے قتل کے الزام میں 4 ملزمان کو گرفتار کرلیا ہے۔
مزید پڑھیں
انہوں نے بتایا کہ ملزمان کی عمریں 13 سے 14 سال کے درمیان ہیں جن سے تحقیقات کی جارہی ہیں۔
ایس ایس پی کے مطابق ملزمان کی شناخت سمیع اللہ، امیر محمد، محمد انس اور غلام الدین کے ناموں سے ہوئی ہے۔
ایس ایس پی جواد طارق نے بتایا کہ ملزمان کو سی سی ٹی وی فوٹیج کی مدد سے گرفتار کیا گیا ہے۔
جواد طارق کے مطابق گلی میں معمولی لڑائی جھگڑے کے دوران لڑکوں نے اسد نامی بچے پر تشدد کیا جس سے اس کی موت واقع ہوگئی۔ ملزمان کی شناخت اسی علاقے کے ایک بچے سے کروائی گئی ہے۔
