این ڈی ایم اے اور این ای او سی کی جانب سے مئی اور جون کے مہینوں میں ہیٹ ویو کی پیش گوئی کی گئی ہے۔
مزید پڑھیں
پیش گوئی کے مطابق سندھ کے اضلاع عمر کوٹ، تھرپارکر، ٹنڈوالہ یار، مٹیار ی اور سانگھڑ جبکہ پنجاب میں بہاولپور اور رحیم یار خان کے اضلاع میں ہیٹ ویو کا خطرہ ہے۔ ہیٹ ویو انسانوں اور دیگر جانداروں کو بھی متاثر کر سکتی ہے.
15 سے 30 مئی کے دوران درجہ حرارت 40 ڈگری تک جا سکتا ہے جس کے باعث ہیٹ ویو کا پہلا سلسلہ متوقع ہے۔
پہلا اسپیل 2 سے 3 دن پر محیط ہو گا جبکہ مئی کے آخر میں دوسرا اسپیل/ سلسلہ 4 تا 5 دن جاری رہے گا۔
جون کے مہینے میں درجہ حرارت 45 ڈگری تک جانے کا امکان ہے جس کے باعث جون کے پہلے 10 دنوں کے دوران ہیٹ ویو کا تیسرا سلسلہ متوقع ہے جو تھرپارکر، عمر کوٹ، سانگھڑ، بدین، خیرپورکو متاثر کرے گا۔ تیسرا اسپیل 3 تا 5 دن جاری رہنے کا امکان ہے۔
