خوبصورت اداکارہ ماہرہ خان نے کوئٹہ میں ایک ادبی تقریب میں شرکت کی جہاں ہجوم میں موجود کسی شخص نے ان کی طرف کوئی چیز اٹھا کر پھینک دی، ماہرہ خان نے ناراضی کا اظہار کیا لیکن بہت ہی پرسکون انداز میں اس معاملے کو سنبھال لیا۔ تاہم بعد ازاں ماہرہ خان نے کوئٹہ کے لیے ایک فلم میں کام کرنے پر بھی رضامندی ظاہر کی۔
کوئٹہ میں منعقدہ پاکستان لٹریچر فیسٹیول میں شرکت کے دوران ماہرہ خان اپنے اسٹارڈم، کامیابی اور پیشہ ورانہ مہارت کے بارے میں بات کر رہی تھیں کہ جب ہجوم میں سے کسی نے ان پر کوئی اعتراض کیا اور کچھ چیز اٹھا کر ان کی طرف پھینک دی۔ ماہرہ خان نے اپنی گفتگو روکتے ہوئے کہا کہ یہ ایک نامناسب حرکت ہے۔
مزید پڑھیں
انہوں نے کہا کہ ’میں کوئی گفتگو نہیں کروں گی کیونکہ آپ نے مجھ پر کچھ پھینکا ہے، اس کا مطلب ہے کہ گفتگو کی کوئی گنجائش نہیں ہے‘۔ لیکن ماہرہ خان نے اس بات کو آرام سے سنبھالا اور بات چیت دوبارہ شروع کردی۔
مداحوں کا خیال ہے کہ ماہرہ خان نے اسے تحمل اور خوش اسلوبی سے سنبھالا ہے۔ انہوں نے بھیڑ کے رویے کی مذمت کی، مداحوں کا کہنا تھا کہ یہ ایک شرمناک حرکت ہے اور ماہرہ کو اس طرح کی عوامی تقریبات سے گریز کرنا چاہیے کیونکہ وہ ایک بین الاقوامی اسٹار ہیں۔
خیال رہے ماہرہ خان ایک خوبصورت، مشہور اور باصلاحیت پاکستانی ٹیلی ویژن اور فلمی اداکارہ ہیں جو شوبز انڈسٹری میں آنے کے بعد سے ہی شہرت، کامیابی اور تعریفیں سمیٹ رہی ہیں۔
گزشتہ سال اکتوبر میں ماہرہ خان نے سلیم کریم سے شادی کی تھی۔ ماہرہ خان ایک سرشار پیشہ ور ہیں۔ وہ ایک قابل فخر فنکارہ ہیں جنہوں نے مثبت انداز میں بین الاقوامی سطح پر پاکستان کی نمائندگی کی ہے۔
ماہرہ ان دنوں اپنی آنے والی سیریز کی شوٹنگ میں مصروف ہیں۔ ماہرہ بہت سے کامیاب کاروباری منصوبوں کے ساتھ ایک ہنر مند کاروباری بھی ہیں۔
