امریکا کے نمائندہ خصوصی برائے افغانستان زلمے خلیل زاد نے کہا ہے کہ ایسا لگتا ہے، پاکستان کی حکومت نے عمران خان کو ریاست کا دشمن نمبر (1) بنانے کا فیصلہ کر لیا ہے۔ اس طرح کے اقدامات پاکستان کے سیاسی، اقتصادی اور سلامتی کے بحران کو مزید گہرا کریں گے۔ پہلے ہی بعض ممالک نے پاکستان میں سرمایہ کاری کو معطل کر دیا ہے۔
امریکا کے نمائندہ خصوصی برائے افغانستان زلمے خلیل زاد نے سماجی رابطے کی ویب سائٹ ٹوئیٹر پر اپنی ٹویٹس میں کہا کہ پہلے ہی کچھ ممالک نے پاکستان میں سرمایہ کاری کو معطل کر دیا ہے۔ اب ایسا لگتا ہے کہ پاکستان کی حکومت نے عمران خان کو ریاست کا دشمن نمبر (1) بنانے کا فیصلہ کر لیا ہے، ایسے میں پاکستان کے لیے آئی ایم ایف کی حمایت بھی مشکوک ہے۔
زلمےخلیل زاد نے کہا کہ مجھے پاکستان کے بارے میں تشویش بڑھتی جارہی ہے لیکن مجھے امید ہے کہ پاکستانی سیاسی رہنما تباہ کن گھٹیا سیاست سے اوپر اٹھیں گے جو قومی مفاد کو نقصان پہنچاتی ہے۔ اگر نہیں تو مجھے امید ہے کہ سپریم کورٹ ایسے کھیلوں میں استعمال ہونے سے انکار کردے گی جو قوم کے مفادات کو نقصان پہنچاتے ہیں۔
ان کا کہنا ہے کہ ایسے اشارے مل رہے ہیں کہ پاکستان کی پارلیمنٹ، جس پر حکومتی اتحاد کا کنٹرول ہے، سپریم کورٹ سے عمران خان کو انتخابات میں حصہ لینے کے لیے نااہل قرار دینے اور پی ٹی آئی کو اگلے چند دنوں میں کالعدم بھی قرار دے سکتی ہے۔
انھوں نے کہا کہ مذکورہ اقدامات کیے گئے تو پاکستان کے لیے بین الاقوامی حمایت میں مزید کمی آئے گی اور پاکستان میں سیاسی پولرائزیشن اور تشدد بڑھنے کا امکان ہے۔
The government appears to have decided to set up Imran Khan as Enemy No 1 of the State. Such steps will only deepen Pakistan’s triple crises: political, economic, and security. Already, some countries have suspended planned investments.
— Zalmay Khalilzad (@realZalmayMK) March 21, 2023
I hope the Pakistani political leaders rise above destructive petty politics that undermine the national interest. If not, I hope the Supreme Court says no to being used in games that undermine the nation’s interests. I am becoming increasingly concerned about Pakistan.
[End]— Zalmay Khalilzad (@realZalmayMK) March 21, 2023
اس سے قبل گزشتہ دنوں بھی زلمے خلیل زاد نے پاکستانی حکومت پر تنقید کی تھی اور کہا تھا کہ عمران خان کی گرفتاری سے پاکستان میں جاری سیاسی بحران مزید سنگین ہوجائے گا، سیاسی لیڈروں کو جیلوں میں ڈالنا، پھانسی پر لٹکانا یا قتل کرانا غلط روش ہے۔
زلمے خلیل زاد نے مزید کہا تھا کہ پاکستان کی موجودہ صورتحال میں میں 2 تجاویز دیتا ہوں جس میں پہلی یہ کہ جون میں قومی سطح پر انتخابات کا اعلان کیا جائے تاکہ تباہی سے بچا جاسکے۔
زلمے خلیل زاد کا کہنا تھا کہ دوسری تجویز یہ ہے کہ اس وقت تمام سیاسی جماعتیں ملک کو بچانے اور استحکام، سلامتی اور خوشحالی کی راہ پر گامزن کرنے کے لیے مل بیٹھ کر مسائل کی نشاندہی اور آئندہ کا لائحہ عمل طے کریں اور جو بھی الیکشن میں کامیاب ہو اسے عوام کا مینڈیٹ حاصل ہوگا اسکو کام کرنے دیا جائے۔
#Pakistan faces a triple crisis: political, economic, and security. Despite great potential, it is underperforming and falling far behind its archrival, India. It is time for serious soul-searching, bold thinking, and strategizing. Here are my thoughts:
[Thread]— Zalmay Khalilzad (@realZalmayMK) March 14, 2023
The sequential cannibalizing of its leaders through jailing, execution, assassination, etc. is the wrong path. Arresting Imran Khan will only deepen the crisis. I urge 2 steps: 1. Set a date for national elections in early June to avert a meltdown.
— Zalmay Khalilzad (@realZalmayMK) March 14, 2023
