حساس ادارے اور سی ٹی ڈی کی کارروائی، کالعدم تنظیم کا دہشت گرد گرفتار

کراچی کے علاقے منگھو پیر روڈ پر وفاقی حساس ادارے اور سی ٹی ڈی نے مشترکہ کارروائی کرتے ہوئے کالعدم تحریک طالبان پاکستان کے دہشت گرد یوسف خان عرف گل یوسف کو گرفتار کرلیا ہے۔

سی ٹی ڈی سندھ و وفاقی حساس ادارے نے خفیہ معلومات پر نورس چورنگی منگھوپیر روڈ پر ٹارگٹڈ کاروائی کرکے کالعدم تحریک تحریک طالبان پاکستان کے دہشتگرد کو گرفتار کیا ہے، گرفتار دہشتگرد کے قبضے سے امریکن ساختہ دستی بم بر آمد ہوا ہے۔

پولیس کا کہنا ہے کہ گرفتار دہشتگرد کا تعلق کالعدم تحریک طالبان پاکستان کے کمانڈر عظمت اللہ گروپ سے ہے، دوران تفتیش ملزم نے جنوبی وزیرستان میں متعدد دہشت گردی کی وارداتوں کا انکشاف کیا ہے۔

ملزم کے خلاف تھانہ سی ٹی ڈی کراچی میں دہشت گردی کا مقدمہ درج کیا گیا ہے، ملزم سے مزید تفتیش جاری ہے۔