کراچی سمیت سندھ بھر میں ہیٹ ویو کے پیش نظر انٹرمیڈیٹ کے امتحانات ملتوی کردیے گئے۔
وزیراعلیٰ سندھ کے ترجمان نے بتایا کہ مراد علی شاہ نے وزیر جامعات و بورڈز محمد علی ملکانی کی سفارش پر امتحانات ملتوی کرنے کی منظوری دیدی ہے۔
مزید پڑھیں
انہوں نے بتایا کہ انٹرمیڈیٹ کے امتحانات 22 مئی سے شروع ہونا تھے مگر اب ہیٹ ویو کے پیش نظر 27 مئی سے شروع ہوں گے۔
یاد رہے کہ ان دنوں سندھ اور پنجاب کے میدانی علاقوں میں شدید گرمی ہے۔ جبکہ محکمہ موسمیات نے الرٹ جاری کیا ہے کہ ہیٹ ویو کا خدشہ ہے، لہٰذا احتیاطی تدابیر اختیار کی جائیں۔
