ٹیسٹ کرکٹ ہو، ٹی20 ہو یا پھر ون ڈے، پاکستان اور بھارت کی ٹیمیں ہمیشہ ہی توجہ کا مرکز ہوتی ہیں اور سب کو اس بات کا انتظار ہوتا ہے کہ کب یہ دونوں ٹیمیں مدِمقابل ہوں گی اور اسی وجہ سے ان دونوں کو روایتی حریف بھی قرار دیا جاتا ہے اور دونوں ممالک کے رہنے والوں کی خواہش ہوتی کہ ان کی ٹیم ہی یہ میچ جیتے۔
مگر 1999 کے ورلڈ کپ کی ایک ویڈیو انٹرنیٹ پر وائرل ہورہی ہے جس میں بھارت اور نیوزی لینڈ آمنے سامنے ہیں اور کھیل کے دوران انڈین کمنٹیٹر سنیل گواسکر کہتے ہیں اگر بھارت ورلڈ کپ نہیں جیت سکتا تو ایسی صورت میں بھارتی شائقین کو دعا کرنی چاہیے کہ پاکستان ورلڈ کپ جیت جائے۔
ویڈیو کلپ وائرل ہوتے ہی صارفین کی جانب سے مختلف تبصرے کیے جا رہے ہیں۔ ایک صارف نے لکھا کہ تصور کریں کہ اگر سنیل گواسکر دورِ حاضر میں ایسی کمنٹری کرتے ہوئے کہتے کہ ’بھارت نہیں جیت سکتا تو پاکستان کو ورلڈ کپ جیتنا چاہیے‘ تو انہیں صلیب پر چڑھا دیا جاتا۔
Imagine if Sunny G says something like this in modern day Star commentary they will crucify him.
"If India cant win then Pakistan should win the cup" pic.twitter.com/AwhcZwVKcG— Anirudh Kalra (@CricketKalra) May 20, 2024
ابھیجیت نامی صارف لکھتے ہیں کہ سنیل گواسکر ہمیشہ پاکستان کے لیے نرم گوشہ رکھتے تھے اور اس وقت انہوں نے اپنی خواہش کا کھلم کھلا اظہار کیا حالانکہ اس وقت کارگل جنگ ہوئی تھی لیکن اب وہ پاکستان کے لیے ایسی خواہش کا اظہار نہیں کرسکتے۔
Sunny always had a soft corner for Pakistan
these days he cannot say it
but those days he was open about it
well Kargil war was on that time…. https://t.co/fzCZpJyFaM— ABHIJIT NAIR 🏏🇦🇺 (@Rahul_bill) May 20, 2024
ایک صارف نے لکھا کہ ایسی کمنٹری کارگل وار کے زمانے میں کی گئی۔
Damn. This was almost during the Times of Kargil War https://t.co/EWf76xjdql
— Udit (@udit_buch) May 20, 2024
ایک ایکس صارف نے لکھا کہ ’ہندوستانی شائقین دعا کریں کہ پاکستان جیت جائے‘۔ سنیل گواسکر نے اس وقت یہ الفاظ بولے جب کارگل جنگ چل رہی تھی لیکن حیرت ہے کہ کسی نے انہیں ایسے الفاظ بولنے پر ہدف کا نشانہ نہیں بنایا۔
"The Indian supporters should pray that Pakistan should win". Sunil Gavaskar had the audacity to talk this when the Kargil War was going on. It's a wonder how noone took him to task. https://t.co/Xf4975G5Wg
— Ankur 🇮🇳 (@monsternaath) May 20, 2024
بھارتی صارف ادیتیا لکھتے ہیں کہ ایسا وقت بھی تھا جب کرکٹ کو کھیل کے طور پر دیکھا جاتا تھا اور سیاسی معاملات کے ساتھ نہیں جوڑا جاتا تھا۔
There were times when cricket was seen as sports and political issues was not mixed. This match was during peak kargil war time https://t.co/lWfsdiaWbU
— Adithya (@Maheshaddict) May 20, 2024
خیال رہے 1999 کے ورلڈ کپ میں پاکستان کی ٹیم فائنل میں پہنچی تھی جہاں اسے آسٹریلیا کے ہاتھوں شکست کا سامنا کرنا پڑا تھا۔ پاکستان کی پوری ٹیم آسٹریلیا کے خلاف فائنل میچ میں 132 رنز پر آؤٹ ہوگئی تھی۔
