قومی کرکٹ ٹیم کے سابق کپتان شاہد آفریدی کو انٹرنیشنل کرکٹ کونسل (آئی سی سی) ٹی ٹوئنٹی ورلڈ کپ کا ایمبیسیڈر مقرر کردیا گیا ہے۔
مزید پڑھیں
میڈیا رپورٹس کے مطابق آئی سی سی نے شاہد آفریدی کو ٹورنامنٹ ایمبیسیڈرز کی فہرست میں شامل کرنے کا اعلان کیا ہے۔ایمبیسیڈرز کی اِس فہرست میں شاہد آفریدی کے ساتھ یوراج سنگھ، کرس گیل اور یوسین بولٹ بھی شامل ہیں۔
یاد رہے کہ شاہد آفریدی ٹی ٹوئنٹی ورلڈ کپ جیتنے والی فاتح ٹیم کے رکن اور پلیئر آف دی ٹورنامنٹ رہ چکے ہیں۔
اس حوالے سے بات کرتے ہوئے شاہد آفریدی نے کہا ہے کہ آئی سی سی ٹی ٹوئنٹی ورلڈ کپ میرے دل کے بہت قریب ہے، پہلے ورلڈ کپ میں پلیئر آف دی ٹورنامنٹ رہا، 2009ء میں ٹرافی جیتی، یہ میرے کیریئر کے قابل ذکر لمحات ہیں۔
Grateful and honored to be on board as the exclusive brand ambassador for #T20WorldCup from Pakistan! Thank you @ICC for this amazing opportunity. Looking forward to promoting the spirit of cricket and cheering on our team! #ShahidAfridi #T20WorldCup #IamGAME #Pakistan #Cricket https://t.co/1526K9JmGl
— Shahid Afridi (@SAfridiOfficial) May 24, 2024
انہوں نے کہا کہ میں 9 جون کو پاک-بھارت میچ دیکھنے کے لیے پرجوش ہوں، یہ 2 بڑے حریفوں کا مقابلہ ہے اور نیویارک میں اس کو کوئی miss نہیں کرے گا۔
واضح رہے کہ ٹی 20 ورلڈ کپ 2024 کا آغاز یکم جون کو امریکا میں ہورہا ہے جس کے کچھ میچز ویسٹ انڈیز میں بھی کھیلے جائیں گے، افتتاحی میچ امریکا اور کینیڈا کے درمیان کھیلا جائے گا۔
