چیف آف آرمی اسٹاف جنرل سیّد عاصم منیر نے ایران کی مسلح افواج کے چیف آف جنرل اسٹاف میجر جنرل محمد باقری کو ٹیلیفون کیا ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل عاصم منیر نے ہیلی کاپٹر حادثے میں ایرانی صدر، وزیر خارجہ اور دیگر کی حادثاتی اموات پر دکھ اور افسوس کا اظہار کیا۔
مزید پڑھیں
آرمی چیف نے کہاکہ ابراہیم رئیسی اور وزیر خارجہ پاکستان کے سچے دوست تھے، دونوں رہنماؤں سمیت دیگر کے انتقال سے ناقابل تلافی نقصان ہوا۔
آئی ایس پی آر کے مطابق آرمی چیف نے کہاکہ پاک فوج کے تمام افسران مرحومین کے ایصال ثواب کے لیے دعا گو ہیں۔
واضح رہے کہ 21 مئی کی رات کو ایرانی صدر ابراہیم رئیسی، وزیر خارجہ اور عملے کے ارکان ہیلی کاپٹر حادثہ میں جاں بحق ہوگئے تھے۔
