اسلام آباد کے ہائیکنگ ٹریل 5 سے لاپتا ہونے والے بچے کی لاش پیر کی صبح مل گئی، ہفتے کے روز ٹریل 5 سے لا پتہ ہونے والے 15 سالہ طالب علم طحٰہ کی لاش مارگلہ ہل کی ٹریل 5 کی ایک خطرناک کھائی سے ملی ہے۔ اسلام آباد پولیس کی جانب سے جاری بیان میں کہا گیا ہے کہ لاش کو کھائی سے نکالنے کے لیے انتظامات کیے جا رہے ہیں۔
اسلام آباد پولیس کی جانب سے سماجی رابطے کی ویب سائٹ ایکس پر بتایا گیا ہے کہ طویل سرچ آپریشن کے بعد مارگلہ ٹریل پر گم ہونے والے نوجوان کی لاش ایک خطرناک کھائی سے ملی ہے۔ ایس پی سٹی اور سرچ ٹیم نوجوان کے لواحقین کے ہمراہ موقع پر موجود ہیں۔ پولیس کے بظاہر معلوم ہوتا ہے کہ نوجوان راستہ بھٹکنے کے بعد پاؤں پھسلنے سے کھائی میں گر کر ہلاک ہوا ہے۔ ’مزید تفتیش عمل میں لائی جارہی ہے اور لاش کا پوسٹ مارٹم کروایا جائے گا تاکہ تمام پہلوؤں کا احاطہ کیا جا سکے۔‘
طویل سرچ آپریشن کے بعد مارگلہ ٹریل پر گم ہونے والے نوجوان کی ڈیڈ باڈی ایک خطرناک کھائی سے مل گئی۔
ایس پی سٹی اور سرچ ٹیم نوجوان کے لواحقین کے ہمراہ موقع پر موجود ہیں۔
ڈیڈ باڈی کو کھائی سے نکالنے کےلیے انتظامات کیے جارہے ہیں۔
بظاہر معلوم ہوتا ہے کہ نوجوان راستہ بھٹک گیا تھا اور…
— Islamabad Police (@ICT_Police) May 27, 2024
سوشل میڈیا پر صارفین کی جانب سے گمشدگی کے اس واقعہ کے ہلاکت خیز انجام پر تنقید کرتے ہوئے سوال کیا جا رہا ہے کہ ٹریل 5 پر سخت سیکیورٹی کے باوجود ایسا واقعہ کیسے پیش آ سکتا ہے، کئی صارفین نے واقعہ کی تحقیقات کا مطالبہ کیا جبکہ بیشتر صارفین وزیر داخلہ محسن نقوی کو اپنی تنقید کا نشانہ بناتے نظر آئے۔
ایک صارف نے لکھا کہ ٹریل 5 آسان ٹریک ہے، طحٰہ کے دوستوں سے تفتیش ہونی چاہیے، یہ واقعہ اتنا سادہ نہیں لگتا، اس کے پیچھے کچھ گڑ بڑ محسوس ہو رہی ہے۔
Trail 5 is easiest track…. I sense something fishy…. His friends should be investigated…… https://t.co/wy2GeN4EjZ
— Usama Zafar (@Usama7) May 27, 2024
صحافی عامر سعید عباسی نے لکھا کہ بظاہر یہ کوئی حادثہ نہیں بلکہ قتل ظاہر ہوتا ہے کیونکہ ہائیکنگ پر جانے والے دوستوں سے ایک دوست کھائی میں گر جائے اور دیگر دوستوں کو پتہ بھی نہ چلے، یہ کیسے ہوسکتا ہے؟
بظاہر یہ کوئی حادثہ نہیں بلکہ قتل ظاہر ہوتا ہے کیونکہ ہائیکنگ پر جانے والے دوستوں سے ایک دوست کھائی میں گر جائے اور پتہ بھی نہ چلے، یہ کیسے ہوسکتا ہے ؟ https://t.co/9iS5jwgi15
— Aamir Saeed Abbasi (@AmirSaeedAbbasi) May 27, 2024
صحافی رؤف کلاسرا نے کہا کہ وزیر داخلہ محسن نقوی اس وقت کرکٹ کے معاملات میں زیادہ مصروف ہیں، وہ ابھی تک اسلام آباد میں اپنا رنگ جما نہیں سکے۔ انہوں نے محسن نقوی کو آڑے ہاتھوں لیتے ہوئے کہا کہ شاید وہ ان لاکھوں ڈالرز کے بارے میں سوچ رہے ہیں جو انہوں نے کرکٹ ٹیم کو ورلڈ کپ جیتنے پر انعام میں دینے ہیں کہ وہ کہاں سے آئیں گے۔ جس انسانی المیہ کا معاملہ اٹھایا جا رہا ہے وہ کرکٹ ورلڈ کپ تک انتظار کر سکتا ہے۔
وزیرداخلہ @MohsinnaqviC42 اس وقت کرکٹ معاملات میں زیادہ مصروف ہیں۔ویسے محسن نقوی صاحب اسلام آباد میں اپنا رنگ ابھی تک جما نہیں سکے۔ شاید وہ ان لاکھوں ڈالرز بارے سوچ رہے ہیں جو انہوں نے کرکٹ ٹیم کو ورلڈ کپ جیتنے پر انعام میں دینے ہیں کہ وہ کہاں سے آئیں گے۔ جس انسانی ٹریجڈی کے… https://t.co/NkPUI6ewEr
— Rauf Klasra (@KlasraRauf) May 26, 2024
لطیف شاہ لکھتے ہیں کہ سیکیورٹی کے دعوے دھرے کے دھرے رہ گئے۔ حال ہی میں وزیر داخلہ محسن نقوی نے ٹریل پر سیکیورٹی مزید بہتر بناتے ہوئے نئی فورس کا افتتاح بھی کیا تھا مگر 15 سالہ محمد طحٰہ کی لعش برآمد ہوئی ہے جس کو برآمد کرنے کےلیے رینجرز کی مدد طلب کی گئی ہے۔
سکیورٹی کے دعوے دھرے کے دھرے رہ گئے۔ حال ہی میں موصوف محسن نقوی نے ٹریل پر سیکورٹی مزید بہتر بناتے ہوئے نئی فورس کا افتتاح بھی کیا مگر ؟
اسلام آباد کے ٹریل فائیو میں لاپتہ ہونے والے 15 سالہ محمد طحہ کی نعش برآمد ہوئی ہے جس کو ری کور کرنے کےلئے رینجرز کی مدد طلب کر لی گئی pic.twitter.com/AQWKsas94p— Latif Shah (@Latifshahji) May 27, 2024
سید زاہد عباس نامی صارف نے لکھا کہ ٹریل 5 بھی اب محفوظ نہیں۔
محسن نقوی کے سکیورٹی کے دعوے دھرے کے دھرے رہ گئے ،
اسلام آباد کے Trail 5 میں لاپتہ ہونے والے 15 سالہ محمد طحہ کی نعش برآمد ہوئی ہے ..
جس کو ری کور کرنے کےلئے رینجرز کی مدد طلب کر لی گئی
ٹرائل فائیو بھی اب محفوظ نہیں ۔ pic.twitter.com/1Q2hZjxqAU— Syed Zahid Abbas (@iamZahid512) May 27, 2024
یاد رہے کہ 2 ہفتے قبل وزیر داخلہ محسن نقوی نے مارگلہ ہلز پر قائم ہائیکنگ ٹریل پر جانے والوں کی حفاظت کے لیے پولیس کی پٹرولنگ شروع کروائی تھی۔ پولیس پٹرولنگ کے لیے 6 موٹر سائیکلیں، 60 اہلکار اور 8 گھوڑوں پر مشتمل پٹرولنگ ٹیم تشکیل دی گئی تھی۔
خیال رہے کہ گزشتہ روز اسلام آباد کے تھانہ سیکریٹیریٹ کے علاقے سے طالبعلم طحٰہ مبینہ طور پر اغوا ہوگیا تھا۔ پولیس کے مطابق طحٰہ دوستوں کے ساتھ ہائیکنگ کے لیے ٹریل 5 گیا تھا جہاں وہ دوستوں سے بچھڑ گیا تھا، طحٰہ کے دوستوں کی جانب سے اس کے گھر فون کرنے پر پتا چلا کہ طحہٰ گھر نہیں پہنچا۔
